Алымлар бас мийдеги уйқы орайын анықлады

Көпшилик адамлар мәжлис, лекция яки усыған уқсас жағдайларда ериксиз рәўиште уйқысы келе баслайды. Буның себеби шаршаў яки зериккенинен емес. «Zee News» баспа сөзиниң хабар бериўинше, бул жағдай мотивация менен байланыслы болған нейронлардың искерлигине байланыслы, мийдиң жантас ядросында жайласқан усы нейронлар уйқыны келтириў қәсийетине ийе.

Маман қәнигелер мийдиң жантас ядросын изертледи ҳәм ол ҳақыйқаттан да уйқы келиўине себеп болыўы мүмкинлигин дәлилледи. Усыған уқсас тәсирди аденозин бирикпеси  жантас ядро қуралында ислеп шығарады. Аденозин қуўат жетиспеўшилигин жүзеге келтириўши бирикпе есапланады.

Әдетте аденозин белгили рецепторлар себепли уйқыны пайда етеди. Мийдиң жантас ядросында болса бундай рецепторлар жүдә көп болады. Кофе ишкен ўақытта кофе элементи усы рецепторлардың искерлигин тоқтатып қойыўы есабына уйқы қашады.

 

Интернет материаллары тийкарында таярлаған

Гүлбадан Алламбергенова

Қарақалпақ мәмлекетлик университети студенти

скачать dle 10.6фильмы бесплатно



  • 18-12-2017, 14:53 |
  • 343