Өзбекистанда Корея Республикасының медициналық жоқары оқыў орны ҳәм оның аймақлық филиаллары ашылады

 

Өзбекистанда Корея Республикасының медициналық жоқары оқыў орны ҳәм оның аймақлық филиаллары ашылады

 

Өзбекистан Республикасы Президенти Шавкат Мирзиёев басшылығында 2017-жыл 12-декабрь күни мәмлекет медициналық тараўдағы әҳмийетли мәселелер додалаўына арналған жыйналыс болып өтти. Бул ҳаққында Президент Баспасөз хызмети хабар бермекте.

Жыйналыста тараўға байланыслы мәселелер туўралы сөз етилди.

Кадрлар тәмийнаты мәселеси шешими сыпатында Ден саўлықты сақлаў министрлиги, аймақлық ҳәкимлер менен биргеликте медицина кадрларына болған талапты аймақлар, районлар ҳәм мекемелер кесиминде анықлаў, 2018-жылда бакалавриат жөнелисиниң мақсетли қабыллаў квотасын 2017-жылға қарағанда 20% ке арттырыў, мақсетли магистратураны 10%, клиникалық ординатура қабыллаў квотасын 15%ке арттырыў белгиленди.

Тез медициналық жәрдем системасында дәрилер ушын ажыратылатуғын қаржыларды 2018-жылы кеминде еки есеге көбейтиў ҳәм аймақлар кесиминде бир өлшемде қаржыландырыў бойынша илажлар көриў тапсырылды.

Жеке медицинаны системалы тийкарда раўажландырыўға қаратылған тапсырмалар берилди. Атап айтқанда, пайтахтта жумысын баслаған «Акфа медлайн» жеке медицина мекемеси тийкарында мәмлекетте жеке медицинаны раўажландырыў ҳәм оларға тәжирийбели кадрлар таярлаў бойынша оқыў-емлеў орайын шөлкемлестириў, бул медицина орайы шерикшилигинде Корея Республикасының жоқары медициналық оқыў орнын ҳәм оның аймақлық филалларын шөлкемлестириў ўазыйпасы қойылды.

Қарақалпақстан Республикасы Жоқарғы Кеңеси, ўәлаятлар, Ташкент қаласы ҳәм район ҳәкимлерине Ден саўлықты сақлаў министрлиги менен бирегликте халықтың аймақларға сәйкес кеселлениў көрсеткишлери ҳәм талапларынан келип шығып, тар жөнелислерге қәнигелескен стационар шәраяттағы жеке медицина шөлкемлерин көбирек ашыў тапсырылды.

 

Фото: «Abt.uz»

 

скачать dle 10.6фильмы бесплатно



  • 13-12-2017, 11:41 |
  • 221