Токсикоз — өткир ишек кеселлигиниң жүдә қәўипли түри

Барлық жуқпалы кеселликлер арасында өткир ишек кеселликлери көбирек ушырайды. Өткир ишек инфек­циясы тийкарынан үш жол арқалы, яғный, суў, азық-аўқат өнимлери ҳәм хожалық буйымлары (ыдыс-табақлар) арқалы жуғады. Буннан тысқары, жаз-гүз айларында ишек инфекциялары тар­қалыўында насекомалардың да роли үлкен. Қозғатыўшылар саў адам организмине түсип, паразитлик қылыў ушын асқазан-ишек жолының түрли бөлимлеринде қолай шараят табады. Нәтийжеде, ишек кеселликлеринде ас сиңириў системасы бузылады. Бул кеселликтиң тийкарғы белгиси болып табылады.

Кеселликтиң дәслепки белгилери наўқастың күнине 2-3 мәрте иши өтеди. Кеселликтиң аўыр-жеңил түрине қарап, қайт қылыў тоқтайды ямаса арадан қысқа ўақыт өткеннен соң наў­қас және қайтара баслайды. Оның тез-тезден кеўли айнып, лоғый баслайды.

Өткир ишек кеселлигинде 75 процент дене ыссылығы көтериледи. Кеселликтиң жеңил түринде дене ыссылығы дәслепки 1-2 күнлери 37,5-38 градусқа көтериледи. Орташа аўырлықтағы дене ыссылығы жоқары 38-39 градус болады. Аўыр түрлеринде болса, узақ ўақыт жоқары температурада болады.

Токсикоз — өткир ишек кеселлигиниң жүдә қәўипли түри болып, ол, әдетте 4-7 күннен кейин пайда болады. Бунда тийкарынан орайлық нерв ҳәм жүрек қантамыр системасы функ­циялары бузылады. Өткир ишек кеселлиги жеңил-желпи өтиўи де мүмкин. Бундай жағдайда наўқастың ыссылығы шықпайды. Бирақ, бир күнде 2-3 мәрте иш өтиўи мүмкин. Әсиресе, бул кеселликлер әтираптағыларға жүдә қәўипли болып, бундай жағыдайда өзин-өзи емлеў қадаған етиледи. Кеселликтиң бул жеңил түри көбинесе хроник түрге өтип кетиўи мүмкин. Сонлықтан, дурыс емлениўге шыпакерге барыўы талап етиледи.

Кеселлик саўала баслаған соң, ишек микрофлорасы, ас сиңириў процеси ҳәм басқа да организмниң функ­циялары нормалласады.

Өткир ишек кеселликлериниң алдын алыўда ҳәр бир адам азадалыққа ҳәм гигиена қағыйдаларына әмел қылыўы зәрүр. Әсиресе, жас балаларымыз аўқатланыўдан алдын қолын сабынлап жуўыўға әдетлениў керек. Соның менен бирге, турақ жай ҳәм жәмийетлик орынларды таза тутып,  шығындыларды өз ўақтында алып турсақ мақсетке муўапық болады.

 

З.ҚАЛМУРАТОВА,

ҚРМСЭБО бак лаборатория меңгериўшиси.    

скачать dle 10.6фильмы бесплатно



  • 16-11-2017, 12:35 |
  • 301