Дәрилер ҳәм медициналық буйымлар ушын қатаң белгиленген баҳалар Ден саўлықты сақлаў министрлиги тәрепинен белгиленеди

 

Дәрилер ҳәм медициналық буйымлар ушын қатаң белгиленген баҳалар Ден саўлықты сақлаў министрлиги тәрепинен белгиленеди

 

Ендигиден былай социаллық әҳмийетке ийе дәрилер ҳәм медициналық буйымлардың дизимине киритилген дәри-дармақлар ҳәм медициналық буйымлар ушын катаң белгиленген баҳалар Ден саўлықты сақлаў министрлиги тәрепинен белгиленеди. Бул мәмлекет баслығының 7-ноябрьде қол қойған пәрманында нәзерде тутылған.

Ҳүжжетке муўапық, Президенттиң 2016-жыл 31-октябрьдеги ПҚ-2647-санлы қарары менен шөлкемлестирилген Емлеў мекемелери ҳәм халықты дәри-дармақ пенен тәмийинлеўди қадағалаў республика комиссиясы оның функцияларын ден саўлықты сақлаў министрлигине жүклеген ҳалда тамамланды.

Министрлик үш ай мүддетте Инвестициялар бойынша мәмлекет комиссиясы, Меншиклестирилген кәрханаларға көмеклесиў ҳәм басекиликти раўажландырыў мәмлекетлик комитети, басқа мәпдар мекемелер менен биргеликте социаллық әҳмийетке ийе дәри қураллары ҳәм медициналық буйымларының қатаң баҳасын, сондай-ақ, дәри қураллары ҳәм медицина буйымларының тәртипке салынатуғын баҳаларын белгилеў тәртибин тастыйықлайды.

Усы мүддет даўамында Ден саўлықты сақлаў министрлигине мәпдар министрлик ҳәм мекемелер менен бирге дәрилер ҳәм медициналық буйымларды дизимге алыў, баҳасын белгилеў тәртибин жетилистириўди, нызамшылықта  “in bulk” өниминиң анық белгиленген түсинигин киритиўди нәзерде тутыўшы комплекс ис-илажларды ислеп шығыў ҳәм әмелге асырыў ўазыйпасы тапсырылды.

 

Фото: ЎзА

 

скачать dle 10.6фильмы бесплатно



  • 8-11-2017, 10:25 |
  • 388