Шашты өсириў ушын мәсләҳәтлер

Шашты жуўып атырғанда төмендеги  қағыйдаларға бойсыныўға әдетлениң.

-Шашыңызды жуўғанда суў температурасы 35-45 градус  жыллы болыўы керек. Шашларыңыз қанша майлы болса, суў температурасы төмен болыўы керек. Көпшилик ҳаялларымыз болса керисинше шашларын баслары күйетин дәрежеде  ыссы суўға жуўады. -Шашларыңыз жылтырап турыўы ушын шашларды жуўып болғаннан кейин, 1 литр суўға 1 шай қасық уксус яки лимон кислотасы араластырылған суўға жуўың.

Қайызғақланған ҳәм көп төгилетин шашларға, таза капуста суўы жағылады. Бундай жағдайларда дәрҳал шаштың ушын қыйыў керек. Гүлленген шаштың өсиўиде бираз қыйынласады ҳәм нурсыз болып қалады. Шашларыңыз гөззал болыўын қәлесеңиз күнделикли пайдаланып жүрген өнимлериңизге итибар қаратың. Шашлардың төгилиўине қарсы марганец жақсы пайда береди. Ол – алма, бийи, салат жапырақлары, ләблеби, баклажан сыяқлы өнимлерде болады. Кремний шашлардың гүллеўи, сыныўынан асырайды. Ол - нан, қыяр, помидор, редискаларда бар. Қайызғақтан қутылыўды қәлеўшилер ушын алтын гүгирт керек, ол мәйек, чеснок, пияз, теңиз өнимлеринде болады.

Шашларыңыз саламат ҳәм гөззал болыўын қәлегенлер, оларға мас келетин шанпунь таңлағаны мақул. Бир шанпуньды пайдаланғаныныздан кейин басыңыз қышыса, ол сизге мас келмейди. Шаш жуўыўда шанпунь орнына төмендеги қураллардан пайдаланыў мүмкин.

Мәселен:  Әйемги заманлардан қатық қолланылып келинген болып ол шашқа жүда пайдалы. Ол шашлардың түплеринде қабық пайда етип, оны ҳәр түрли зыянлы тәсирлерден қорғайды ҳәм азықландырады. Қатық шашқа 20-30 минут жағылып, соңынан шанпунь менен жуўып тасланады.

 Мәйекте шаш жуўыўда жақсы қурал. Оның қурамында барлық пайдалы аминокислоталар бар болып,  пайдаланыўдан алдын азғантай жыллы суўда гөпиртирилип, шашқа жағылады. Майлы шашлар ушын: мәйек көпиртирилип, 1 шай қасық спирт ҳәм бир неше тамшы лимон суўы қосылады. Араласпа бас терисине ҳәм шаш түплерине жағылады. Шашларды барқулла азықландырады, оның жақсы өсиўине шәрәят жаратып, сағлам болыўын тәмийинлейди.

Буның ушын төмендеги шаш маскаларынан пайдаланыўыңыз мүмкин.

Сабур маскасы: 1 ас қасық бал, 1 ас қасық сабур (алое) суўы, 1 шай қасық қырғыштан өткерилген чеснок ҳәм мәйек сары ыўызы араластырылып 20 минут жағылады. Бул маска майлы шашларға арналған.

Баллы маска: 2 шай қасық бал, 2 мәйектың сары ыўызы ҳәм азғантай гүнжи майы. Бул маска шаштың төгилиўине, қайызғаққа қарсы жақсы нәтийже береди. 40-минуттаң соң жуўып тасланады.

Картошкалы маска: картошканың 2 ас қасық суўы, 2 ас қасық сабур (алое) суўы ҳәм 20 гр бал араластырып шаштың түплерине уўқалап сүртиледи ҳәм 2 саат ыссы етип оралады. Бул маска шаш төгилиўинде қолланылып ҳәптеде 2 мәрте қолланылады.

Витаминли маска: 1 мәйектиң сары ыўызы, 1 ас қасық өсимлик майы ҳәм бир неше тамшы А ҳәм V витаминлери қосылады. Араласпа 30-40 минуттан соң жуўып тасланады.

Зайтун маска: ыстылған зайтун майына 1 шай қасық лимон суўы, мәйек сары ыўызы ҳәм бир неше тамшы А витамини қосылады. Араласпа шашларға ҳәм бастың терисине жағып 1- 2 саат даўамында усланады. Қурғақ шашлы адамлар бул маскадан пайдаланыўы мүмкин.    

 

Интернет материаллары тийкарында таярлаған Шәригүл Бектурсынова

Қарақалпақ мәмлекетлик университети студенти

 

скачать dle 10.6фильмы бесплатно



  • 27-10-2017, 15:38 |
  • 914