Асқабақтың пайдасы

Алымлар асқабақтың жаңа қәсийетлерин анықламақта. Тийкарынан, асқабақ қурамында каротиноидлар муғдары көплиги себепли, организмде олардан А витамини (ретинол) пайда болады. Бул А витамини көз нурын жақсылаў, көриў қәбилетин жақсылаў ушын пайдалы. Жәнеде асқабақ қурамында темир элементи де көп муғдарда. Бул элемент жетиспеўи нәтийжесинде кемқанлық пайда болады. Сол себепли асқабақ кашасы ҳәр куни желинсе, кемқанлықтың алдын алады, қанды көбейтеди.

Езилген асқабақтың гөшли жери болса ҳәр түрли жараларға, күйген жерлерге азанғы ўақыт еки-үш саат, кеште азанға шекем компресс қылып байланады.

Асқабақтың гөшли жеринде пектин түтиклери көп. Бул түтиклер элемент алмасыў процессинде пайда болатуғын зыянлы элементлер, артықша холеcтерин ҳәм шлаклардың организмнен шығып кетиўине жәрдем береди. Усы қәсийетине қарап асқабақ жүрек аўрыўынан қыйналғанлар ҳәм организмди тазалаўды қәлеўшилер ушын жүдә пайдалы.

Және бир кәсийети асқабақ туқымы қурамындағы кукурбитин аминокиcлотаcы ишки органларымызға уя салған қуртлар ушын зәҳәр есапланады. Адамлардың 50 пайызға жақын өт қалташасында сондай паразитлер жасайды. Оларды жоқ етиў ушын асқабақ дәнесин тез-тезден жеп турыў керек. Егер үш күн даўамында ҳәр күни азанғы аўқаттың орнына 100 грамнан асқабақ дәнесин жеп, үстинен суў яки шай ишсеңиз бул қәстеликтен қутыласыз.

Асқабақ шербетинде калий элементи көплиги себепли, организмнен суйықлық ажыралып шығыўын күшейтеди. Асқабақ шербетинде ең кем ушырасатуғын Т витаминиде бар. Қан кетиўден қыйналғанда яки тистиң қызыл ети тез-тез қанағанда асқабақ шербетин ишип турған мақул.

 

 

Интернет материаллары тийкарында таярлаған

Гүлбадан Алламбергенова

Қарақалпақ мәмлекетлик университети студенти

 

Дерек  

скачать dle 10.6фильмы бесплатно



  • 20-10-2017, 17:11 |
  • 476