Кофениң жаңа пайдалы қәсийетлери менен танысамыз

Кофениң жаңа пайдалы қәсийетлери менен танысамыз

 

Күниге еки мәрте кофе ишилсе, бул баўыр циррозы қәўпин ҳәм даўасыз дәрттен өлиў қәўпин еки есеге кемейтеди. Саутгемптон университети профессоры Жулия Паркс басшылығындағы британиялы алымлар топары тәрепинен өткерилген мета-анализ нәтийжелери «Alimentary Pharmacology & Therapeutics» журналында баслып шықты.

Алымлар 1994-2016-жыллар ортасында өткерилген 2 мыңнан артық изертлеўлер нәтийжелерин үйренип, олардан 432 мың адам қамтып алынған 9 тәжирийбе таңлап алынды. Нәтийжеде олар төмендеги шешимге келди: кофени күнине еки мәрте ишиў цирроз келип шығыўы қәўпин 44%ке, оннан өлиў қәўпин болса 50%ке қысқартады. Бул жүдә үлкен көрсеткиш; мысалы статинли терапия жүрек-тамыр кеселликлерине шалыныў қәўпин 25%ке қысқартады.

Бул тәсир не менен байланыслы екени еле түсиниксиз. Авторлар кофе кофеиннен басқа бир қанша элементлерди өз ишине алыўын еслетип өтти, булардың арасында аксилоксидатив ҳәм қабыныўға қарсы бирикпелер (кафестол, кавеол, хлороген кислотасы) бар. Булар баўырдың қосымша қорғаўын тәмийинлеп бериўге қәдир. Буннан тысқары, гепатит ямаса 2-типтеги гепатит қәстелигиниң кемейтилиўи сыяқлы жанапай тәсири де бар.   

 

 

Интернет материаллары тийкарында таярлаған Шәригүл Бектурсынова

Қарақалпақ мәмлекетлик университети студенти

скачать dle 10.6фильмы бесплатно



  • 7-10-2017, 11:01 |
  • 310