Пулда көплеген бактериялар бар

Пулда көплеген бактериялар бар, атап айтқанда, пандемия ўақтында көплеген мәмлекет ҳүкиметлери тәрепинен банкнотларды дезинфекция етиў ҳаққында қарар қабыл етилген ҳәм нақ пулсыз төлеў усылынан пайдаланыўға шақырылған.

 huffpost қайсы бактериялар пулларда жасаўы мүмкинлиги ҳаққында бир қатар изертлеўлерди мәлим етти.

2014-жылда Нью-Йорк университети Геномика ҳәм системалар биологиясы орайының изертлеўшилери доллар кассаларында 3000ға жақын бактерия түрин анықлады.

 Олар азық-аўқат зәҳәрлениўине алып келиўи мүмкин болған бактериялар, стафилококк инфекциясы, асқазан жарасы ҳәм пневмонияны келтирип шығаратуғын бактерияларды тапты.

 2002-жылғы изертлеўде 68 банкнот үйренилинип, олардың 94% бактериялар менен патасланғанлығы анықланды.

Изертлеўшилердиң атап өтиўинше, барлық микроорганизмлер патоген емес ҳәм адамларда инфекцияға қарсы иммунитет бар. Бирақ көп муғдарда бактериялардың организмге түсиўи кеселлениўге себеп болады.

Буннан тысқары, банкноттың жасы да шешиўши әҳмийетке ийе, қанша жас үлкен болса,  ондағы микроблар соншелли көп болады. Ыссылық ҳәм ызғарлық та зәрүр болып табылады.

Еслетпе: майлы аўқатлар менен шуғылланатуғын мысалы, Хот-дог ямаса шаурма сатыўшысы сизге берген пулларда көбирек микроблар болыўы мүмкин, себеби май олардың жасағышлығына себеп болады.

Соның менен бирге, изертлеўлерден белгили болыўынша, төмен баҳадағы банкнотларда көбирек микроорганизмлар болыўы мүмкин, себеби олар көбирек ислетиледи.

Солай екен, пулдан пайдаланғанда қолды жуўыў жүдә зәрүр. Әсиресе бүгинги пандемия дәўиринде.

 

Дерек: kruz.uz

скачать dle 10.6фильмы бесплатно



  • 7-10-2020, 11:00 |
  • 775