«Рес больницада» да сондай аўҳал

Өткенде Аралбойы халқының жүрек-қан тамыр кеселликлери саўалландырыў орайы (санчасть) ҳәрекетин сәўлелендирген едик.

Биз карантин талаплары бойынша ҳәр тәреплеме журналистлик тексериў өткергенимизде төмендегилерге гүўа болдық. 

Қарақалпақстан Республикасы Санитария-эпидемиология қадағалаў басқармасы баслығы ў.а. С.П.Сейтова тәрепинен Қарақалпақстан Республикасы Денсаўлықты сақлаў министри атына коронавирус кеселлиги бойынша нызам бузыўшылық жағдайлары жүз берип атырғаны көрсетилген. Онда Аралбойы халқының жүрек-қан тамыр кеселликлери саўаландырыў орайы (санчасть) тәрепинен коронавирус пенен кеселленген наўқаслардың берилетуғын тағамлардың менюсы диетолог тәрепинен ислеп шығарылмағанлығы себепли таяр аўқатлардың қуўатлығы есаплап шығылмағанлығы, менюларды тийисли хызметкерлер тастыйықламағанлығы, оларды қадағалаўға алмағанлығы.

       

бул ҳәрекет бойынша емлеўхана (орай) бас шыпакери Э.Р.Абдуллаев атына журналистлик сораўнама бергенимизде, бас шыпакер тәрепинен қысқа түрде Нөкис қаласы ҳәкимлиги қадағалаўында орайға бириктирилген ЖШЖ тәрепинен хызмет көрсетилип келмекте деген жуўап пенен шекленген.

       Тексериў өткериў дәўиринде қорғаныў комбензонлар жоқ екенлиги яғный таўсылғанлығы анықланған.

        Биз бул жағдай бойынша емлеўхана бас шыпакери атына журналистлик сораўнама менен мүрәжат еткенимизде, бас шыпакер тәрепинен  төмендегише жуўап алдық. Орай тәрепинен наўқасларға қарайтуғын шыпакер, орта, киши  буўын хызметкерлерге толық түрде қорғаныў әнжамлары нызамда көрсетилген тәртипте тәмийнленген. Усы күнге шекем қорғаныў әнжамлары нормативтен кем, тежелген, үзилиске түскен жағдайы болмады делинген. 

 

       Тексериў дәўиринде, кеселликтиң тарқалып кетпеўи ушын медицина ҳәм хожалық шығындыларды зыянсызландырылып жоқ етилгенлигин, үйренгенде шығындыларды жыйыў майданшасы ажыратылып, контейнерлер маркировкаланыў, аўызлары жабылыў, майданша бетонланыў, оның әтирапы оралыў керек. Бундай қатаң талаплар бул орайда лазым дәрежеде исленбеген, мәселен, қатты шығынды жыйнаў майданшасы ажыратылмаған, контейнерлер маркировкаланбай аўзы жабылмаған, майданша бетонланбаған, әтирапы оралмаған, зыянсызландырыў ислери алып барылмаған, контейнерлер өз ўақтында тазаланбағанлығы анықланған.

       

       Бул бойынша бас шыпакер атына сораўнама менен мүрәжат еткенимизде, сораўымызға бас шыпакер бәри жақсы нызам бузыўшылық болмаған етип жуўап бериў менен шекленди.

       

       Усы орында өз-өзинен сораў туўылады:

 

       1.Неге енди емлеўхана тәрепинен өзлериниң хызметкерлериниң қәўипсизлигин ойламай, оларды өз-ўақтында қорғаныў әнжамлары менен тәмийнлемеген, ажыратылған қаржылар нызамлы жумсалғанлығына қалай исенсек болады, орайдың усы бийпарўалықлары себебинен орай хызметкерлери аўырыў жуқтырмады деп ким кепиллик береди? 

  1. Неге  наўқасларға берилетуғын аўқатлардың сапалылығына немқурайды қараған?
  2. Шығынды бойынша санитария норма талаплары кеселхана тәрепинен итибардан шетте қалған, ўақтында жоқ етиў илажларына жеңил көз қарас пенен қаралған, демек, сол аймақта жасаўшы халыққа шығынды арқалы кеселлик жуқпады дегенге ким кепиллик береди?
  3. Неге орай бас шыпакери журналистке жалған жуўап берди, буның менен неге еристи?

       5.Халықтың исенген айырым депутатлар қайда қарап атыр?

       

       Ҳүрметли газета оқыўшылары, журналисттиң тексериўине тырнақ астынан кир излеў деп қабыл етпеўиңизди сорайман, бул ҳәрекетлерге бийпәрўа қарап болмайды, себеби инсан өмириниң қәўипсизлиги ҳәмме заттан үстем турады. 

 

     «Ел хызметинде газетасы»  

Бас редакторы Д.М.Тәжимуратов

 

скачать dle 10.6фильмы бесплатно



  • 14-09-2020, 21:33 |
  • 7 347