Covid-19 бенен байланыслы статистикалық мағлыўматын түсинбедик

Қарақалпақстан Республикасы Ден саўлықты сақлаў министрлигиниң телеграм каналы берген Covid-19 бенен байланыслы мына статистикалық мағлыўматын түсинбедик.

 

Covid-19 бенен байланыслы статистикалық мағлыўматын түсинбедик

 https://t.me/qrdssm/934

 

Онда, 2020-жыл 11-август жағдайына Қарақалпақстан Республикасында коронавирус инфекциясы анықланған наўқаслардың улыўма саны 422 деп көрсетилген. Соннан улыўма емленип шыққанлар 376 адам, ал қайтыс болғанлар 5 адам.

 

Түсиниксизликти пайда етип атырған сан мына мағлыўмат пенен байланыслы. Яғный, республика бойынша карантинге алынған пуқаралар саны – 10 662 адам болса, соннан 10 102 адам үй шараятындағы карантинде, 560 пуқара – стационар шараятта емленип атырғаны.

Усы 560 пуқара неге стационарда емленип атыр, ең баслы сораў неден емленип атыр? Егер Covid-19 бенен болса неге бул сан ана ең жоқарыдағы 422 жағдайға киргизилмеди? Яки керисинше, 560 улыўма наўқасланғанлар саны болса, бул сан неге тийкарғы көрсеткиш сыпатында алынбады?

Егер усы 560 адам басқа кеселликтен емленип атырған болса неге олар туўралы мағлыўмат Covid-19 статистикасынан орын алған?

 

Бул түсиниксизликке Ден саўлықты сақлаў министрлиги яки Қарақалпақстанның оператив штабы анықлық киргизеди деп үмит етемиз.

 

Makan.uz

 

скачать dle 10.6фильмы бесплатно



  • 11-08-2020, 13:55 |
  • 2 256