Неге Қарақалпақстанда коронавирус жуқтырған адамлар саны 152 ден өзгермей тур? Министрлик жуўап берди

Өзбекстан Республикасы бойлап коронавирус инфекциясы бойынша улыўма кеселлениўшилик кейинги онлаған күн даўамында жағдай аўырласты, шет елден келиўшилерден тысқары халық арасынан да инфекция жуқтырғанлар көплеп шығып атыр. Бүгин 6-июль саат 10:00 жағдайы бойынша Өзбекстанда кеселлик анықланғанлар саны 10 мыңнан асты.

2020-жыл 1-июль күнинен берли Қарақалпақстан Республикасында коронавирус инфекциясын жуқтырған адамлар саны 152 ден өзгермей турыпты. Қарақалпақстан Республикасы Денсаўлықты сақлаў министрлигиниң сайтына, Телеграмм каналының ботына пуқаралардан ҳәм блогерлерден усы мәселеде, яғный не ушын бизлерде кеселлениўшилик көрсеткишиниң өзгермей турғанына анықлық киритиўди сорап хабарласпақта.

Егерде бир пуқарада коронавирус инфекциясының белгилери анықланса оған дәрҳал Санитария-эпидемиологиялық тынышлық агентлиги тәрепинен оған тест қойылады ҳәм Санитария-эпидемиологиялық қадағалаў Мәмлекетлик инспекциясы қәнигелери тәрепинен оның менен байланыста болғанлар арасында эпидемиологиялық сорастырыў жумыслары алып барылып, олар есапқа алынады. Есапқа алынған барлық пуқаралардан кеселлик белгилери бар-жоқлығына қарамастан тестке сүртпе алынады. Тест нәтийжелери «отрицательный» шыққан пуқаралар есаптан шығарылады. Тест нәтийжелери «положительный» шыққан пуқаралардан және тест алынып, диагнозды тастыйықлатыў ушын Ташкент қаласына жибериледи. Егерде Ташкенттеги лабораторияға жиберилген анализлердиң арасынан тест нәтийжеси «положительный» шыққанлар болғанда ғана Қарақалпақстан Республикасының коронавирус пенен кеселлениўшилик көрсеткишине өзгерис киритиледи.

Қарақалпақстан Республикасы Санитария-эпидемиологиялық тынышлық агентлигинде пуқаралар тапсырған тест анализлериниң нәтийжелери «положительный» шығып, Ташкент қаласындағы лабораторияда «отрицательный» шығыў жағдайлары ушыраса ма? Аўа, бундай жағдайлар ушырасады. Бундай жағдайларда пуқараның денсаўлығының жағдайына итибар етиледи. Оларға ҳәм олар менен байланыста болған пуқараларға қарата стандарт тийисли қадағалаў ҳәм емлеў илажлары алып барылады.

 

Қарақалпақстан Республикасы Денсаўлықты сақлаў министрлиги

 

скачать dle 10.6фильмы бесплатно



  • 6-07-2020, 13:59 |
  • 7 086