Шыпакерлерге рецептке дәрилерди саўдадағы аты менен жазыў қадаған етилди

ӨзР ден саўлықты сақлаў министриниң буйрығы менен тастыйықланған режеге (https://lex.uz/docs/4880063) муўапық (01.07.2020-жыл, дизим номери 3277) шыпакерлер наўқасларға рецепт бергенде дәрилердиң тек ғана халықаралық патентленбеген аты менен жазыўы шәрт.

 

Яғный дәрилердиң саўдадағы атларын жазыў қадаған етилди. Дәриниң халық аралық патентленбеген аты – бул дәриниң дүнья жүзинде тән алынған аты. Бир халық аралық патентленбеген атлы дәри ҳәр түри атлар менен ислеп шығарылыўы мүмкин.

 

Сондай-ақ, наўқасқа 5 ҳәм оннан артық дәри жазып бериў керек болса, шыпакерлер әлбетте бөлим баслық, нәўбетши шыпакер яки клиникалық фармоколог пенен келисип алыўы керек.

 

Рецептуралы бланканың электрон ҳәм қағаз формасы тастыйықланды. Рецепт өз ишине дәриниң халық аралық патентленбеген атын, күнлик дозасын, қабыл етиў усылын, муғдарын, даўамлылығын ҳ.т.б. алыўы керек. Бунда дәриниң халық аралық патентленбеген аты ҳәм оның қурамы латын тилинде жазылыўы шәрт.

 

Мәмлекетлик дизимнен өтпеген дәрилерди ҳәм тек ғана емлеўханада алынатуғын дәрилерди рецептке жазыў қадаған етиледи.

 

Бул тәртип жеке меншик медициналық мәкемелерге де тийисли. Жаңа тәртипке бойсынбаған ҳалда жазылған рецепт ҳақыйқый емес есапланады.

 

Бундай тәртип айырым шыпкерлердиң наўқасларға тек бир компания тәрепинен ислеп шығарылған дәрилерди жазып бериў әмелиятына шек қояды.

 

Дерек: https://t.me/xaliq_ushin/1192

скачать dle 10.6фильмы бесплатно



  • 6-07-2020, 10:33 |
  • 1 680