Үйде емлениў: тәртиби қандай, кимлерге мүмкин, кимлерге мүмкин емес?

- Раўажланған мәмлекетлерде кеселлиги симптомсыз ямаса жеңил өтип атырған наўқаслар үйде емленип атыр. Ҳәзир бизде де буның ушын барлық шараятлар бар. Соның ушын, егер наўқас анализинде коронавирус анықланған болса, бирақ оның симптомлары жоқ ямаса жеңил өтип атырған болса, мысалы, түшкирмей, жөтелмей атырған, деми қыспай атырған, дәм ҳәм ийис сезиўи жоғалмаған, дене температурасы көтерилмеген болса, 5-июльдан баслап усы дәрежедеги наўқасларға үйде емлениўге рухсат бериледи.

Бул, әлбетте, ишки ислер ҳәм миллий гвардия тәрепинен олардың үйде қалыўы тәмийинленген ҳалда шөлкемлестириледи. Шаңарақлық поликлиникасынан ҳәр күни азанда телефон арқалы байланыста болып турылады. Дене температураң көтерилмеди ме, жөтелмедиң бе, деп хабар алып турылады.

Наўқас талапларға әмел етсе ғана үйде қалыўы мүмкин. Егер кесел екенлигин биле тура көшеге шықса, оған қарата жуўапкершилик белгиленген.

Үйде емленип атырған наўқастан 10 күннен кейин тест алынады ҳәм егер нәтийже жақсы болса, оны есаптан шығарыў мүмкин болады. Үйде емленип атырған наўқасларға иммунитетти көтеретуғын дәрилер бериледи. Бул дәрилер ҳәмме жерде бар.

Егер наўқас телефон арқалы байланыста: "Менде жөтел пайда болды, кешқурын бираз температурам көтерилди", десе, ол, әлбетте, стационарға алып кетиледи.

Коронавирус анықланған наўқастың жасы 65 тен асқан болса, ямаса зыят салмағы болса, яки болмаса қантлы диабет, метаболик синдром, гипертония сыяқлы жолдас кеселликлери болса, олар симптомлар бар-жоқ екенлигине қарамастан тек стационар шараятта емленеди.

 

Қарақалпақстан Республикасы Денсаўлықты сақлаў министрлиги

 

скачать dle 10.6фильмы бесплатно



  • 3-07-2020, 13:49 |
  • 2 128