Қарақалпақстанда коронавирустан бүгин саўалып шыққанлардың барлығы ўәлаятлардың турғынлары екенлиги мәлим болды

ӨзР Денсаўлықты сақлаў министрлигиниң хабар бериўинше, Қарақалпақстан Республикасында бүгин коронавирус инфекциясынан саўалып шыққан 6 адамның барлығы ер адамлар болып, олар елимизге Россиядан келген ҳәм карантинге алынған.

 

Оларда кеселлик анықланғаннан соң емлеўханаға жатқарылған.

 

Саўалғанлардан 3 адам Бухара ўәлаятынан, 2 адам Хорезм ўәлаятынан ҳәм 1 адам Наўайы ўәлаятынан болған. Олардың арасында ең жасы үлкени 48 жаста болса, ең жасы 21 жаста болған.

 

Мағлыўмат ушын, усы күнге шекем Қарақалпақстанда коронавирус инфекциясы анықланғанлар 124 адамды қураған болса, солардан 118 наўқас толық саўалып шыққан.

 

Ислам Матеков,

Қарақалпақстан хабар агентлиги.

скачать dle 10.6фильмы бесплатно



  • 20-05-2020, 13:10 |
  • 1 550