Россияда вакцина сынақлары қашан басланатуғыны мәлим болды

Россияда коронавирусқа қарсы вакцинаның клиникалық сынағы бир айдан кейин басланады. Бул ҳаққында мәмлекеттиң денсаўлықты сақлаў министри Михаил Мурашко мәлим етти.

Ол ЖДСШның 73-сессиясында шығып сөйлеген сөзинде усы ҳаққында айтып өтти.

«Иммунитет профилактикасы ушын вакциналар үстинде жедел жумыслар алып барылмақта. Бир айдан кейин олардың клиникалық сынақлары басланады», - деди Мурашко.

Ол Россияда бүгинги күнде коронавирусты анықлап беретуғын 20 мыңнан аслам тест системасы ислеп шығарылып атырғанын атап өткен.

Хабарыңыз бар, коронавирус биринши мәрте Қытайда анықланып, кейин ала пүткил дүнья жүзине тарқалған еди. ЖДСШның мағлыўматларына бола, дүнья жүзинде дерлик ярым миллион инсан усы инфекцияға шалынған, 318 мыңнан аслам адам қайтыс болған.

Россияда Covid-19ды жуқтырғанлардың саны 291 мыңнан артқан болса, 2722 наўқас өмирден көз жумған, 70 мыңнан аслам адам саўалған.

РФда зәрүрлик болмағанда, үйден сыртқа шықпаў соралмақта. Көплеген аймақларда кириў-шығыў қадағалаў режими енгизилген, жәмийетлик орынларда болса медициналық нықапларды тағып жүриў шәрт.

 

Қарақалпақстан хабар агентлиги

скачать dle 10.6фильмы бесплатно



  • 20-05-2020, 12:31 |
  • 1 217