Коронавирустың жаңа белгилери пайда болды

Адамда ийис ҳәм дәм сезиў қәбилетиниң жоғалыўы коронавирустан зыянланыўдың рәсмий белгилери қатарына қосылатуғын болды. «Independent» басылымының жазыўынша, Уллы Британия ҳүкимети бул ҳаққында, 18-май күни жәриялаған.

Медицина тилинде аносмия, деп аталатуғын ҳәзирги жағдай коронавирусқа өткерилип атырған тест даўамында алынып атырған салыстырмалы нәтийже менен тығыз байланыслылығы барған сайын өзин дәлийллеп бармақта. Хабарда бул мағлыўмат Англия бас шыпакериниң орынбасары, профессор Жонатан Ван Тэмге сүйенип келтирилген.

Қәнигениң сөзлерине қарағанда, бундай симптом кеселликтиң дәслепки басқышларында көп жағдайларда айқын көринбейди, бирақ бир неше ҳәпте даўамында сақланып турады. Буннан кейин ийис ҳәм дәм сезбей қалған пуқаралар өзин-өзи жекелеў тәртибине өткериледи

Тэмниң сөзлерине қосымша етип, бул бағдарда алынған жаңа жуўмақлар себепли инфекция жуқтырғанлығы анықланатуғын наўқаслардың муғдары қосымша 2 процентке артатуғынын атап өткен. Буннан алдын, анығырағы апрель айында америкалы қәнигелер коронавирустың бурын айтылмаған 6 белгисин анықлаған еди. Олардың арасында қалтыраў, булшық етлер, бас ҳәм тамақ аўырыўы менен бирге дәм ҳәм ийиске байланыслы сезиўдиң жоғалыўы да келтирилген. Сол ўақытта АҚШ шыпакерлери иранлы коронавирусқа ушыраған наўқаслардың 76 проценти усы белгилердиң тосыннан пайда болғанынан налығанларын атап өткен.

 

Қарақалпақстан хабар агентлиги

 

скачать dle 10.6фильмы бесплатно



  • 20-05-2020, 11:32 |
  • 3 380