Коронавирус инфекциясы тастыйықланған наўқас өпке ҳәм жүрек жетиспеўшилигинен қайтыс болды

Ташкент ўәлаяты Шыршық қаласында жасаўшы пуқара Ш. усы жылдың 30-март күни қыстаўлы медициналық жәрдем арқалы аўыр аўҳалда ўәлаят жуқпалы кеселликлер емлеўханасына жатқарылған. Оған барлық керекли илажлар көрсетилген. Усы жылдың 31-март күни наўқасқа қәнигелестирилген медициналық жәрдем көрсетиў мақсетинде республика Эпидемиология, микробиология ҳәм жуқпалы кеселликлер илимий тексериў институты клиникасына өткерилген. Тезлик пенен әмелге асырылған лабораториялық анализ нәтийжеси онда коронавирус инфекциясы бар екенлигин тастыйықлаған.

40 жаслы наўқас усы клиниканың реанимация бөлиминде жасалма дем алыў аппаратында болған. Емлениў дәўиринде медицина илимлери докторы, профессор А. Хаджибаев басшылығында Ден саўлықты сақлаў министрлиги бас пульмонологы, профессор И. Ливерко, жетекши реаниматологлар Д. Собиров ҳәм Х. Саттаров қатнасыўында видеобайланыс арқалы керекли усыныслар берип барылған. Буннан тысқары, емлеў стандартларына муўапық, вирусқа қарсы, антибактериал, инфузион, муколитик, симптоматик ҳәм респиратор терапия илажлары да алып барылған.

Бирақ бир қанша тараў қәнигелериниң өткерген қыстаўлы реанимация илажларына қарамастан кеше түнде наўқастың аўҳалы кескин жаманласқан. Жетекши реаниматолог ҳәм торакал хирург Ш. Худойбергенов басшылығындағы қәнигелерден керекли усыныслар да алынған. Берилген усыныслар толық орынланыўына қарамастан наўқас Ш.да жүрек ҳәм өкпе жетиспеўшилиги себеп жүрек искерлиги тоқтаған.

 

Ден саўлықты сақлаў министрлиги

 

Аўдарма: makan.uz

 

скачать dle 10.6фильмы бесплатно



  • 8-04-2020, 11:58 |
  • 3 029