Қарақалпақстанда бир шаңарақтың 5 адамында коронавирус анықланды

 2020-жыл 7-апрель саат 17:00 ҳалатына Қарақалпақстан Республикасында коронавирусқа шалынған наўқаслар саны 16.

Алдын хабар бергенимиздей, кеселликти жуқтырғанлар арасында дәслепки наўқас пенен бирге жумыс ислейтуғын ер адам бар еди. Соңғы тексериўлер нәтийжесине көре, оның 5 шаңарақ ағзасында да, яғный анасы, ҳаялы ҳәм 3 перзентинде вирус анықланған.

Ҳәзирги пайытта кеселленгенлер Республикалық жуқпалы кеселликлер емлеўханасында емленбекте. Олардың жағдайы орташа дәрежеде.

Эпидемиологиялық тексериў жумыслары даўам етпекте.

Пурсаттан пайдаланып, журтласларымызға айтпақшы болғанымыз – усындай қыйын ҳәм жуўапкерли күнлерде шыпакерлер талапларына ҳәм санитария-эпидемиологиялық тынышлық тәртиплерине әмел етиў жүдә әҳмийетли ҳәм шәрт. Тәртип күшейттирилген дәўирде көшеде жүргеннен көре, үйде қалыў оғада зәрүр. Буның менен тек ғана өзиңизди, сондай шаңарағыңызды, журтымызды ҳәм жәмийетимизди коронавирус бәлесинен асырыўға өз үлесиңизди қосқан боласыз.

 

ҚР Денсаўлықты сақлаў министрлиги мәлимлеме хызмети: @qrdssm

скачать dle 10.6фильмы бесплатно



  • 7-04-2020, 17:36 |
  • 4 762