«Өзбекстанда коронавирус тарқалыўы көтерилиў басқышында» - Отабеков

 

«Өзбекстанда коронавирус тарқалыўы көтерилиў басқышында» - Отабеков

 

Мәмлекетлик Бас санитария инспекторы Нурмат Отабеков Өзбекстанда коронавирустан зыянланыўдың пик дәўири болып атырғанын мәлим етти.

«Ҳәр қандай эпидемияның басланыў, көтерилиў, ҳәўиж алыў, төменлеў, сапластырыў дәўирлери болады. Биз ҳәзир кеселликтиң көтерилиў дәўириндемиз. Себеби карантиндеги барлық 100 мың адамды 14 күн даўамында гүзетип болғанымыз жоқ. Егер биз карантинге қатаң әмел етсек, ойлаймыз, 2-3 ҳәпте даўамында кеселликтиң кемейиўине ерисемиз», деди Нурмат Отабеков.

Бас инспектор соңғы күнлери вирус пенен кеселленгенлер саны кескин артып атырғанына түсиник берди.

«Кеселленгенлер саны карантинге алынғанлар есабынан артып атыр. Алдын да айтылғанындай, ҳәзир республика бойынша 61 мың 715 адам үйде, 23 мың 316 адам стационар шәраятта карантинге алынған. Олар эпидемиологиялық жағдай тынышсыз болған аймақлардан алып келингенлер ҳәм наўқаслар менен байланыста болған шахслар есапланады.

Наўқаслар менен байланыста болғанлардың ҳәммеси анықланғанша бундай жағдай даўам етеди. Карантин ҳәм изоляция шараларынан мақсет те усы», - деди Нурмат Отабеков АОКАда өткерилген брифингде.

«Вирус жуққанының биринши он күнлигинде белгилер сезилмеўи мүмкин. Себеби оның организмдеги муғдары кем болады. Вирус көбейе баслағаннан кейин өзин билдирип баслайды. Бул 12-, 13-күнлерге де туўра келиўи мүмкин. Сол себепли, Өзбекстанда да пүткил дүньяда қолланылып атырған режимде ис тутылып атыр. Яғный, изоляцияда сақлаў ҳәм гүзетиў, тест қылыў (өз ўақтында диагноз қойыў), нәтийже «унамлы» шыққанда емлеў», - деп қосымша қылды Отабеков.

Мағлыўмат ушын, Өзбекстанда 15-март күни коронавирустан зыянланыўдың биринши жағдайы тастыйықланды. Апрель айы басында күнлик жағдайлар саны өсип баслады, атап айтқанда, 5-7-апрель күнлери 200ден артық адамда вирус анықланды, деп жазады kun.uz.

 

Аўдарма: makan.uz

 

скачать dle 10.6фильмы бесплатно



  • 7-04-2020, 15:58 |
  • 1 160