«Карантин ноябрь айына шекем даўам ете ме?» Республика Бас мәмлекетлик санитария инспекторы жуўап берди

 

«Карантин ноябрь айына шекем даўам ете ме?» Республика Бас мәмлекетлик санитария инспекторы жуўап берди

 

АОКА (Ахборот ва оммавий коммуникациялар агентлиги) жанында шөлкемлестирилген брифингде Республика Бас мәмлекетлик санитария инспекторы Нурмат Отабеков коронавирус ҳаққындағы ҳәр қыйлы сораўларға жуўап берди.

«Коронавирус кеселлиги тийкарынан инсанлар қатнасығы арқалы жуқпақта. Сол себепли, үйде қалыў ҳәм артықша қатнасықтан қашыў усыныс етиледи», - дейди Нурмат Отабеков.

Нурмат Отабеков карантинниң ноябрьге шекем созылыўы мүмкинлиги ҳаққында тарқалған гәп-сөзлерге төмендегише мүнасибет билдирди.

«Бул сыяқлы болжаўларды тез-тез көрип атырмыз. Олар сол дәрежеде ҳәр қыйлы, ҳәттеки мың жыл, бир ярым мың жыл алдын коронавирус тарқалыўын көзи ашықлар айтып кеткен екен, деген пикирлер пайда болмақта. «Көптен қоян қашып қутылмас» деген мақал бар, пүткил дүнья бул инфекцияға қарсы гүресип атырған екен, демек бул мүддет узаққа созылмайды», - деди Нурмат Отабеков, Республика Бас мәмлекетлик санитария инспекторы.

Нурмат Отабеков карантинге қарамай елеге шекем искерлигин даўам етип атырған мәкеме ҳәм кәрханалар бар, жумысын даўам еттирип атырған мәкемелерде коронавирусқа қарсы қандай илажлар көрилиўи кереклиги ҳаққында берилген сораўға да жуўап берди.

«Ҳақыйқаттан да, бундай мәкеме ямаса шөлкемлер де бар. Бунда, әлбетте жумыс ўақты басланыўында ҳәр бир хызметшиниң дене температурасы өлшенип, жумыс орнына киргизилиўи керек, үш адамнан артық адамның топланыўына жол қойылмаўы, күн даўамында жумыс орнының коридоры, барлық ханалар арнаўлы дезинфекция қураллары менен тазалап турылыўы, аралық сақлап ҳәрекетлениў, ҳәр бир хызметши медициналық маскада болыўы ҳәм олар ҳәр еки саатта алмастырылыўына итибар қаратыў керек. Әне сонда, бул шөлкем ямаса мәкемениң карантин шәраятындағы искерлиги дурыс ҳәм толық болады», - деди Нурмат Отабеков, Республика Бас мәмлекетлик санитария инспекторы.

Дерек: daryo.uz

 

Аўдарма: makan.uz

скачать dle 10.6фильмы бесплатно



  • 6-04-2020, 12:40 |
  • 3 329