Мектепке шекемги билимлендириўдиң жаңа түри енгизилмекте

Мобиль топарлар базасында мектепке шекемги билимлендириў хызметлерин көрсетиў бойынша тәжирийбе-сынаў жойбарын әмелге асырыў ҳаққында Ҳүкимет қарары (786-сан, 18.09.2019-ж.) қабыл етилди.

Қарарға муўапық, 2019-2020-оқыў жылынан баслап, мектепке шекемги билимлендириў мобиль топарлары тәжирийбе сыпатында Қарақалпақстан Республикасы ҳәм ўәлаятлар айырым районларында, қайта үскенеленген  ISUZU HC 40 автобусларында шөлкемлестириледи.

Мобиль топардың ўазыйпаларынан бири мектепке шекемги билимлендириў менен қамтып алынбаған балалардың ҳәр тәреплеме жетик, интеллектуал камал табыўына шәраят жаратыўдан ибарат.

Мобиль топарларға 3 жастан 7 жасқа шекем болған, мектепке шекемги билимлендириў мәкемелерине бармайтуғын балалар қабыл етиледи.

Қабыл ушын төмендеги ҳүжжетлер талап етиледи:

 -  арза;

 -  ата-ана паспортының нусқасы;

 -  баланың туўылғанлық ҳаққындағы гүўалық нусқасы;

 -  баланың 2 дана фотосүўрети;

 -  баланың ден саўлығы ҳаққында медициналық жуўмақ.

 

Мобиль топарларда хызметлер бийпул көрсетиледи.

 

Бунда, аўқатландырыў мәжбүрий емес, билимлендириў бир күнде 3-4 саатты қурайды.

 

Дерек: https://t.me/huqiqiymalimleme

скачать dle 10.6фильмы бесплатно



  • 20-09-2019, 09:52 |
  • 850