Техникумларды тамамлаған шахслар жоқары билимлендириў мәкемесине имтихансыз киреди

 

Техникумларды тамамлаған шахслар жоқары билимлендириў мәкемесине имтихансыз киреди

 

Профессионал билимлендириў системасын жәнеде жетилистириўге байланыслы қосымша ис-илажлар ҳаққындағы Президент Пәрманы (ПП-5812, 06.09.2019-ж.) қабыл етилди.

 

Пәрманға муўапық, 2020/2021-оқыў жылынан баслап Өзбекстанда Билимлендириўдиң халықара стандарт классификацияланыўы дәрежелери менен сәйкеслескен жаңа басланғыш, орта ҳәм орта арнаўлы профессионал билимлендириў системасы ҳәмде дифференциацияластырылған билимлендириў дәстүрлери енгизилетуғын билимлендириў мәкемелери шөлкемлестирилип, усы дәстүрлер тийкарында тийисли кадрлар таярлайтуғын билимлендириў мәкемелери дизимлери тастыйықланды.

 

Буннан тысқары, Пәрманға көре жәми 388 кәсип-өнер колледжлери имаратлары тийисли дизимге тийкар мектеп ретинде пайдаланылыўы белгиленди.

 

Басланғыш, орта ҳәм орта арнаўлы профессионал билимлендириў системасында тийисли билимлендириў дәстүрлери енгизилген кәсип-өнер мектеплери, колледжлер ҳәм техникумлардан ибарат профессионал билимлендириў мәкемелери тармағы шөлкемлестириледи.

Бунда:

а) кәсип-өнер мектеплеринде:

 - мектеплердиң 9-класс питириўшилерине 2 жыллық күндизги тәлим бериледи;

 - тәлим алып атырған оқыўшылар Мәмлекетлик бюджети есабынан базалық есаплаў муғдарының бир есеси муғдарында айлық стипендия ҳәмде үш мәҳәл аўқат пенен тәмийинленеди.

б) колледжлерде:

 - кеминде улыўма орта мағлыўматқа ийе болған шахсларға кәсиплер ҳәм қәнигеликлердиң қурамалығынан келип шыққан ҳалда 2 жылға шекем мүддетте күндизги, кешки ҳәм сыртқы тәлим формаларында мәмлекетлик буйыртпасы ҳәмде төлеў-контракт тийкарында билим бериледи.

в) техникумларда:

 - улыўма орта мағлыўматқа ийе болған шахсларға кәсиплер ҳәм қәнигеликлердиң қурамалығынан келип шыққан ҳалда  2 жылдан кем болмаған мүддетте күндизги, кешки ҳәм сыртқы тәлим формаларында мәмлекетлик буйыртпасы ҳәмде төлеў-контракт тийкарында билим бериледи;

 - техникумларды тамамлаған питкериўшилер өз тараўына сәйкес бакалавриат тәлим бағдарлары бойынша кириў имтиханларысыз жеке тәртиптеги сәўбет арқалы жоқары билимлендириў мәкемелеринде 2-курсдан оқыўды даўам еттириў ҳуқықына ийе болады.

 

Дерек: @huqiqiymalimleme

скачать dle 10.6фильмы бесплатно



  • 7-09-2019, 12:43 |
  • 1 344