Район ҳәкими сабақ өтти

 

Район ҳәкими сабақ өтти

 

Бүгин, 4-сентябрь күни Шоманай районы аймағында жайласқан 4-санлы улыўма билим бериў мектебиниң ашылыў мәресими болып өтти.

Мәресимде Шоманай районы ҳәкими Баҳадыр Янгибаев қатнасып, устаз ҳәм оқыўшыларды байрам менен қутлықлады.

Илажда енди ғана мектеп босағасына қәдем қойып атырған 1-класс оқыўшыларына Президент саўғасы болған мектеп қураллары салтанатлы тапсырылды.

Район ҳәкими сабақ өтти

 

2019-2020-оқыў жылыныӊ биринши күни районымызда ҳәр жылғыдан да өзгеше күтип алынды. Оқыўшы жаслар ушын мектептиң ашылыў салтанаты, әсиресе бул жаңа имараттыӊ мәжилислер залында район ҳәкими Б.Янгибаев тәрепинен «Жанажан Өзбекстаным, мәңги бол аман!» мазмунындағы ғәрезсизлик сабағының өтилиўи  бәрше жасларымызға және де күш-қуўат бағышламақта, - дейди жаслар аўқамы Шоманай районлық Кеңеси бас қәнигеси Ықлас Мухиятдинов.

216 орынлық жаңа мектептиң ашылыўы тек ғана жасларды емес, район аймағындағы “Ақ жап” аўыл пуқаралар жыйыны турғынларын үлкен қуўанышқа бөледи.

Район ҳәкими сабақ өтти

 

Келешекте бул мектептен озық ойлы, билимли жаслар жетилисиўине исенемиз.

 

 И.Мамбетназарова

скачать dle 10.6фильмы бесплатно



  • 4-09-2019, 17:01 |
  • 1 377