Тәлим кредити ушын банкке усынылатуғын ҳүжжетлер

Банклер тәрепинен жоқары билимлендириў мәкемелериниң күндизги бөлимлерине төлем-контракт тийкарында қабыл етилген Өзбекстан Республикасы пуқарасы болған студентлердиң оқыўы ушын олардың өзлерине, ата-аналары ямаса қәўендерлерине тәлим кредитлери берилиўи мүмкин.

Тәлим кредитлери студентлер ушын бакалавриатға оқыўға қабыл етилгенде 10 жылға шекем ҳәм магистратураға оқыўға қабыл етилгенде 5 жылға шекем болған мүддетге бериледи.

Банклар тәрепинен берилген тәлим кредитлери бойынша:

 -  шын жетимлер, “Меҳрибанлық үйлери”нде тәрбияланғанлар ҳәмде балалығынан I ҳәм II топар майыпларына – ноль процент ставкасы (процентсиз кредит);

 -  студентлердиң қалған тайпаларына – Орайлық банктың әмелдеги қайта финансластырыў ставкасынан жоқары болмаған процент ставкалары белгиленеди.

Тәлим кредити ушын банкке төмендеги ҳүжжетлер усынылады:

а) арза;

б) төлеў-контракт шәртнамасы (контракт);

г) кредитти қайтарыўдың тәмийинлениўи ҳаққындағы ҳүжжет;

д) жеңилликли тәлим кредитлери алыў ҳуқықына ийе болған шын жетимлер, «Меҳрибанлық үйлери»нде тәрбияланғанлар, балалығынан I ҳәм II топар майыплары, кем тәмийинленген шаңарақлардан шыққанлар тийисли тастыйықлаўшы ҳүжжетлерди усынады.

 

Қарыз алыўшы жоқарыдағы ҳүжжетлерди банкке усыныў менен әйне бир ўақытта паспортын жеке өзи көрсетеди. Банк паспорттан ҳәм усынылған басқа ҳүжжетлерден зәрүр көширмелер ҳәм нусқалар алыўға ҳақылы.

 

Дерек: @huqiqiymalimleme

скачать dle 10.6фильмы бесплатно



  • 14-08-2019, 12:18 |
  • 769