Мед.Институтлар 6 жыллық билимлендириў системасына өтеди

Мед.Институтлар 6 жыллық билимлендириў системасына өтеди

Президент Шавкат Мирзиёев «Өзбекистан Республикасында медицина билимлендириў системасын реформалаў бойынша илажлар ҳаққында»ғы Қарарын тастыйықлады. Бул ҳаққында Өзбекистан Республикасы Президентиниң баспасөз хызмети хабар бермекте.

Бул ҳүжжеттиң қабылланыўынан мақсет – медициналық билим сапасын арттырыў, жоқары ҳәм орта арнаўлы профессионал медициналық билимлендириў системасын ең жақсы халық аралық тәжирийбелер дәрежесинде басқышпа-басқыш қәлиплестириў, медициналық жәрдем сапасын арттырыў.

Қарар төмендегилерди нәзерде тутады:

- тар қәнийгеликлер бойынша жоқары дәрежели медицина кадрларын таярлаўды кең жолға қойыў системасы: магистратура тәлими – 2-3 жыл;

- клиникалық ординатура қәнийгеликлери бойынша тәжирийбе арттырыў ҳәм қайта таярлаў системасы – 2 жыл;

- бакалавр басқышында билимлендириўдиң клиникаға шекем ҳәм клиникалық блоклар бойынша оқыў саатлары үлесин 85% ке арттырыў, сол қатары клиникалық билимлендириў тәжирийбеси ушын гуманитар ҳәм социаллық-экономикалық блоклар бойынша оқыў саатларын билимлендириў дәўириниң улыўма көлеминен 7% ке шекем қысқартыў.

2017-2018-оқыў жылынан баслап орта арнаўлы профессионал медициналық тәлимниң жөнелислери белгилеп берилди – «мийирбийкелик иси», «стоматология иси», «медициналық профилактика», «лаборотория диагностикасы» ҳәм «фармация».

Ҳәзир бакалаврдың «емлеў иси», «профессионал тәлим» (емлеў иси), «әскерий-медициналық тәлим» (емлеў иси), «педиатрия иси» жөнелислери бойынша билим алып атырған 2-5-курс студентлери ушын билимлендириў 6 жыллық тийкарғы медициналық билимлендириўди тәмийинлейтуғын оқыў режелери бойынша өткериледи.

Сондай-ақ, тийисли министрлик, мекеме ҳәм шөлкемлерге бул бағдарда бир қанша ўазыйпалар жүклетилди.

Фото: Ибодат СОАТОВА.
скачать dle 10.6фильмы бесплатно



  • 7-05-2017, 13:30 |
  • 580