Мәмлекетлик хызметлер орайлары тәрепинен абитуриентлерден 24 саат даўамында ҳүжжетлер қабыл етилмекте

Мәмлекетлик хызметлер орайлары тәрепинен абитуриентлерден 24 саат даўамында ҳүжжетлер қабыл етилмекте

Усы жыл жоқары оқыў орынларына тест тапсыратуғын абитуриентлер ушын Министрлер Кабинетиниң “Жоқары оқыў орынларына оқыўға кириў ушын ҳүжжетлерди қабыллаў бойынша мәмлекетлик хызметлерин көрсетиўдиң ҳәкимшилик регламентин тастыйықлаў ҳаққында”ғы
468-санлы қарары қабыл етилди.  2019/2020-оқыў жылынан баслап жоқары оқыў орынларларына кириў ушын абитуриентлер өзлериниң турақлы (ўақтынша) жасаў жерине қарамастан, қәлеген Мәмлекетлик хызметлер орайлары арқалы яки Өзбекстан Республикасы бирден-бир интерактив мәмлекет хызметлери порталы (интернет тармағы) арқалы республика мәмлекетлик жоқары оқыў орынлары бакалавриатына, яғный;

– Ташкент мәмлекетлик юридикалық университети,

– Қарақалпақ мәмлекетлик университети;

– Гүлистан мәмлекетлик университети;

– Ферғана мәмлекетлик университети;

– Самарқанд мәмлекетлик университети ҳүжжет тапсыра алыўы көрсетилген.

Мәмлекетлик хызметлер орайлары тәрепинен абитуриентлерден 24 саат даўамында ҳүжжетлер қабыл етилмекте

 

Жоқарыда көрсетилген жоқары оқыў орынларына оқыўға кириў ушын усы жылдың 15-июнь сәнесинен баслап ҳүжжетлер қабылланып келмекте.

Сондай-ақ, алыс аймақларда жасаўшы абитуриентлер ушын еледе имкәният ҳәм қолайлықлар жаратыў мақсетинде орынларға барған ҳалда көшпели тәртипте ҳүжжетлер қабыл қылынбақта.

Мәмлекетлик хызметлер орайлары тәрепинен пуқараларға ҳәр тәреплеме қолайлықлар, жеңилликлер жаратылып яғный олардың артықша ўақытларын, финанслық қаржыларын үнемлеўден ибарат, мысал ретинде соны айтып өтетуғын болсақ буннан алдынғы жыллары  жоқары оқыў орынларына ҳүжжет тапсырыў ушын алыс аймақтан сонша километр жол басып пайтахтқа барып бир күнлик ўактын жоғалтып, жол хақы жумсап барып жүретуғын болса, ҳәзирги күнде Президентимиз тәрепинен пуқараларға кең имканиятлар ҳәм қолайлықлар берилиўи нәтийжесинде енди абитуриентлер жоқарыда көрсетилген жоқары оқыў орынларына өзи қәлеген мәмлекетлик хызметлер орайына барып ҳужжет тапсырса болады.

Мәмлекетлик хызметлер орайлары тәрепинен абитуриентлерден 24 саат даўамында ҳүжжетлер қабыл етилмекте

 

Буннан басқа Кегейли районы мәмлекетлик хызметлери орайының хызметкерлери тәрепинен район орайынан алыс аймақларға шыққан ҳалда, көшпели түрде  жоқары оқыў орынларына оқыўға кириў ушын абитуриентлерден ҳүжжетлер қабыл етилмекте.

Ҳүрметли абитуриентлер жаз айының ыссы күнлери нәўбет күтип турмастан, Мәмлекетлик хызметлер орайына жоқарыда көрсетип өтилген жоқары оқыў орынларына ҳүжжетлерди күнниң 24 сааты даўамында, өзлериңизге қолайлы болған ўақытта өзиңизге жақын Мәмлекетлик хызметлер орайына ҳүжжет тапсырыў имканиятына ийесиз. 

 

С.Отегенов,

Кегейли районы Мәмлекетлик хызметлер орайы

скачать dle 10.6фильмы бесплатно



  • 14-07-2019, 23:13 |
  • 239