Президент мектеплерине тапсырған талабанлар саны көбейгенликтен дәслепки имтихан өткерилетуғын болды

Президент мектеплерине тапсырған талабанлар саны көбейгенликтен дәслепки имтихан өткерилетуғын болды

Президент мектеплерине тапсырған талабанлардың саны жобаластырылғанынан да көбейип кеткенлиги себепли кириў имтиханларын өткериўге жуўапкер болған сырт елли шөлкем Cambridge Assessment – сайлап алыў басқышы имтиханлары (pre-selection) өткерилиўи керек екенлигин мәлим етти.

Президент мектеплерине сайлап алыў басқышының имтиханлары 2019-жыл 26-июнь – 3-июль күнлери аралығында болып өтеди.

Ата-аналар оқыўшылар менен биргеликте 2019-жыл 26-27-28-июнь күнлери Президент мектеплериниң сайлап алыў имтиханларына таярлық күнлери (orientation day) – сайлап алыў басқышы имтиханлары болып өтетуғын имаратқа барады ҳәм имтиханға таярлық бойынша барлық тийисли мағлыўматларды алады.

Бул ҳаққында ҳәр бир ата-ананың мағлыўматнамада көрсетилген телефон номерине СМС-хабарнама жибериледи.

СМС-хабарнаманы алғаннан соң Президент мектеплериниң рәсмий веб-сайты – pm.xtv.uz арқалы қай жерге ҳәм қашан барыўды билип алыў мүмкин.

Демек, ата-аналар кириў имтиханларына таярлық күнине веб-сайтта көрсетилген мәнзилге, сол күни ҳәм ўақытта барыўы керек. Олар өзлери менен бирге оқыўшының туўылғаны ҳаққындағы гүўалықтың түп нусқасын алып келиўи шәрт.

Президент мектеплерине сайлап алыў басқышы имтиханлары 29-30-июнь ҳәм 1-2-3-июль күнлери болып өтеди.

Толық мағлыўматлар ата-аналар ҳәм оқыўшыларға 26-27-28-июнь күнлери даўамында жеткериледи.

 

Нөкис қаласындағы Президент мектебине кириў ушын талабанлар арасында кириў имтиханлары еки орында болып өтетуғынлығы белгиленген:

1) Олимпия ҳәм миллий спорт түрлери бойынша Нөкис жоқары спорт шеберлиги мектеби («Айдын жол» спорт комплекси) (мәнзили: Нөкис қаласы, М.Жуманазаров көшеси, 172-жай);

2) Нөкис қәнигелестирилген Олимпия резервлери мектеп-интернаты (бурынғы Олимпия резервлери колледжи) (мәнзили: Нөкис қаласы, Шымбай гүзары, номерсиз жай).

 

Ислам Матеков,

Қарақалпақстан хабар агентлигиниң шолыўшысы.

 

скачать dle 10.6фильмы бесплатно



  • 25-06-2019, 16:15 |
  • 1 160