ҚМУ профессоры Шамшетдин Абдиназимов Қытай университетинде лекция оқымақта

 

ҚМУ профессоры Шамшетдин Абдиназимов Қытай университетинде лекция оқымақта

 

ҚМУ профессоры Шамшетдин Абдиназимов Қытай университетинде лекция оқымақта

 

Дүньяның 40 аслам мәмлекетлери Қытай мәмлекетиниң басламасы менен өткерилип атырған «Бир мәкан – бир жол» жойбарына қатнаспақта. Соның ишинде Өзбекстан мәмлекети де бул жойбарға қатнасып атыр. Жойбар тийкарында Пекин тиллер университети профессоры Гуо Фенглань басшылығында Қытай алты (Өзбекстан, Қазақстан, Қырғызстан, Лаос, Мьянма, Вьетнам) мәмлекетте жасайтуғын халықлардың тиллик корпусын қәлиплестириў жойбары тастыйықланған. «Өзбекстанның тиллик корпусын қәлиплестириў» деген темадағы киши жойбарға қарақалпақ тили бойынша белгили илимпаз Қарақалпақ мǝмлекетлик университети профессоры, филология илимлериниң докторы Шамшетдин Абдиназимов қатнасып атыр. Жойбар жумысларын жуўмақлаў мақсетинде профессор Ш. Абдиназимов бир айлық илимий сапарға Қытайға  кетти.

Соның менен бирге, университет профессоры Ш. Абдиназимов Минцзу университетиниң Қазақ тили қәнигелиги магистрантларына лекция оқымақта.

Профессор Минцзу университети талабаларына түркий тиллериниң раўажланыў басқышлары, қарақалпақ халқы ҳәм оның тилиниң тарийхы, қарақалпақ тилиниң изертлениўи бойынша лекциялар оқымақта.

Ш. Абдиназимов халық аралық илимий жойбарларда белсене қатнасып атырған илимпазлардың бири. Ол 1994-жылы Түркияның пайтахты Анкара қаласында 6 ай даўамында «Түркий тиллериниң салыстырмалы грамматикасы» бағдарламасының орынлаўшыларының бири болған еди. 2017-2018-жыллары Астанадағы Евразия университети илимпазлары менен бирликте «Қазақ пенен қарақалпақ тиллериниң салыстырмалы грамматикасы» жойбарын орынлап 2017-жылы Астанада, 2018-жылы Алмата қалаларында монографиясы жǝрияланған еди.

 

Дерек: http://karsu.uz

скачать dle 10.6фильмы бесплатно



  • 20-06-2019, 14:04 |
  • 503