Ташкент мәмлекетлик юридика университетиниң Қәнигелестирилген филиалына оқыўға қабыллаў тәртиби бойынша реже тастыйықланды

Режеге муўапық, Филиалда бакалавриаттың 3 жыллық дәстүри бойынша юридик кадрлар таярланады ҳәм жоқары юридикалық емес мағлыўматқа ийе кадрлер арнаўлы 6 айлық дәстүр бойынша қайта таярланады.

Бакалаврға 18 жастан киши ҳәм 25 жастан үлкен болмаған, саламатлығы жағдайына көре хызметкер ямаса әскерий хызметкердиң мәжбүриятларын орынлай алатуғын, Ташкент қаласы ҳәм Ташкент ўәлаятында турақлы пропискада болған пуқаралар тест сынаўы тийкарында қабыл етиледи.

Питкериўшилер Ишки ислер министрлиги ямаса Миллий гвардия системасында 5 жыл ислеп бериўи лазым.

Филиалға қабул 15 июннан15 июлға шекем әмелге асырылады.

Оқыўға қабыл етиў ҳаққындағы арзаға төмендегилер қосымша етиледи:

 -  паспорт нусхасы (тийкарын көрсеткен ҳалда);

 -  жеңилликти тастыйықлаўшы ҳүжжет егер бар болса;

 -  билимлендириў мәкемесин тамамлағанлығы ҳаққындағы ҳүжжет;

 -  әскерий гуўалық;

 -  турақлы прописка бойынша медициналық мағлыўматнама;

 -  6 дана 3,5х4,5 см фотосүўрет;

 -  судланған ямаса судланбағанлық бойынша мағлыўматнама.

Қайта таярлаў курсына кириў ушын талапкерлер ишки ислер министри ҳәм Миллий гвардия командири атына билдирги менен мүрәжат етеди.

Қайта таярлаў курсына кириў ушын сәўбет өткериледи.

 

Рано Нуруллаева

Кегейли районы Мәмлекетлик хызметлер орайы бас қәнигеси

скачать dle 10.6фильмы бесплатно



  • 15-06-2019, 10:24 |
  • 390