Сырт елде билим алғанлығы ҳаққындағы ҳүжжетлерди тән алыў ҳәм нострификациялаў

Билимлендириў сапасын қадағалаў бағдарламасын еле де жетилистириў мақсетинде, сондай-ақ Өзбекстан Республикасы Президентиниң 2018-жыл 5-сентябрьдеги «Халық билимлендириўин басқарыў бағдарламасын жетилистириў бойынша қосымша ис-илажлар ҳаққындағы» ПП-5538-санлы пәрманына муўапық:

Өзбекстан Республикасы Министрлер Кабинети жанындағы билимлендириў сапасын қадағалаў Мәмлекетлик инспекциясы ҳәм де Өзбекстан Республикасы жоқары ҳәм орта арнаўлы билимлендириў министрлигиниң, 2019-жыл 1-марттан баслап сырт еллерде билим алғанлығы ҳаққындағы ҳүжжетлерди тән алыў ҳәм нострификациялаў тәртибин сапластырыў бойынша арзаларды тек ғана Мәмлекетлик хызметлер орайлары яки Өзбекстан Республикасының интерактив мәмлекетлик хызметлери порталы арқалы қабыллаў ҳаққындағы усынысы мақулланды.

Арза тапсырыўшылардан талап етилетуғын ҳүжжетлер:

Арза ийесиниң шахсын тастыйықлаўшы ҳүжжет нусқасы, сырт еллерде билим алғанлығы ҳаққындағы ҳүжжет ҳәм оның баҳаларының түп нусқасы;

Сырт еллерде билим алғанлығы ҳаққындағы ҳүжжет ҳәм оның баҳаларының Өзбекстан Республикасы мәмлекетлик тилине нотариал тастыйықланған аўдармасы;

Сырт еллерде билим алғанлығы ҳаққындағы ҳүжжетлерди тән алыў ҳәм нострификациялаў ушын ең кем мийнет ҳақысының еки есеси муғдарында бажы пул төленгенлигин тастыйықлаўшы ҳүжжет ҳәм электрон санлы имза;

Ҳүжжет тапсырғаннан соң тийисли комиссиялар тәрепинен мүрәжат еткен күннен баслап он бес жумыс күни мүддетте әмелге асырылады.

Эксперт комиссиясы жуўмағында арза бериўшиниң сырт еллерде билим алғанлығы ҳаққындағы ҳүжжети белгиленген талапларға жуўап бериўи ҳәм ол арнаўлы сынақларға (тест, жазба жумыс, сәўбет) усыныс етилиўи яки өзлестирилген оқыў пәнлери көлеми ҳәм өтилген саатлар муғдары Өзбекстан Республикасы мәмлекетлик билимлендириў стандартларына муўапық белгиленген тәртипте тастыйықланған оқыў режениң 55 пайыздан кем бөлегин қурағанлығы себепли нострификациялаўға усыныс етилмейтуғынлығын баян етеди.

Арнаўлы сынақлар арза  бериўшиниң дипломындағы үштен көп болмаған қәнигелик пәнлери бойынша, ҳуқуқ ҳәм педагогика жөнелислеринде болса қосымша тарийх ҳәм социаллық пәнлерден өткериледи. Сынаў нәтийжесине көре 55 пайыз ҳәм оннан кем балл топлаған арза бериўшилер қайта сынақтан өтиўи ушын белгиленген тәртипте арза тапсырыўы мүмкин.

Төменде көрсетилген жағдайларда:

Өзбекстан Республикасы жоқары ҳәм орта арнаўлы билимлендириў министрлиги ҳәм де мәмлекетлик инспекциясының қоспа қарары менен дизими ҳәр жылы тастыйқланатуғын, халық аралық тән алынған шөлкемлердың рейтингинде жоқары ҳәм орта арнаўлы билимлендириў мәкемелери арасында биринши 1000 орынды ийелеген сырт ел  мәкемелеринде билим алған пухаралардың;

1992-жыл 1-январға шекем сырт ел мәкемелерине оқыўға кирген пухаралардың;

Сырт ел мәкемелеринде қәнигелерди мақсетли таярлаў ушын Өзбекстан Республикасының Министрлик ҳәм тийисли шөлкемлер тәрепинен ажыратылған ғәрежет есабынан билим алған пухаралардың;

Өзбекстан Республикасының халық аралық шәртнамалары, Өзбекстан Республикасы Президенти ҳәм Өзбекстан Республикасы Министрлер Кабинетиниң қарарларында нәзерде тутылған ҳалларда билим алғанлығы ҳаққындағы ҳүжжетлерди туўрыдан-туўры (арнаўлы сынақларсыз) тән алынады ҳәм нострификация етиледи.

 

А.Базарбаев

Нөкис қаласы мәмлекетлик хызметлер орайы қәнигеси

скачать dle 10.6фильмы бесплатно



  • 28-05-2019, 17:13 |
  • 1 232