«ДТМ» рухсатнамасын онлайн алыў имканияты жаратылады

 

«ДТМ» рухсатнамасын онлайн алыў имканияты жаратылады

Бул ҳаққында Әдиллик министрлиги тәрепинен өткерилген «Нызамшылықтағы жаңалықлар» брифинги ҳәм баспасөз конференциясында мәлим етилди, деп жазады ҳуқықтаныўшы-блогер Хушнудбек Худайбердиев.

Күтилип атырған қолайлықлардың бири сыпатында Мәмлекетлик тест орайы бас басқармасының баслығы Б.Ражабов төмендегише мағлыўмат берип өтти:

– Абитуриентлерди усы күнге шекем қыйнап киятырған мәселелердиң бири Мәмлекетлик тест орайы рухсатнамаларын (халық тилинде ДТМ рухсатнамасы) қай ўақытта алыў еди. Әдетте, бул рухсатнамалар имтихан қарсаңында 31-июль күнине шекем (сол күни де) тарқатылатуғын еди.

Өткен жыл мысалында айтатуғын болсақ, тест сынақлары 15 күн даўам еткени себепли абитуриентлердиң бул рухсатнама менен байланыслы мүрәжатлары көп болды.

Олардың көпшилиги Ташкентке келип-кетиўде артықша әўерегершилик ҳәм қәрежетлердиң алдын алыў менен байланыслы еди, әлбетте.

Биз де усы мақсетлерди гөзлеп быйылдан баслап ДТМ рухсатнамаларын тиккелей Мәмлекетлик тест орайының сайтынан пайдаланып өзине тийисли рухсатнаманы жүклеп алыўы мүмкин ҳәм сол тийкарда тийисли оқыў имаратына кирип-шығыўын тәмийинлеўди нәзерде тутып атырмыз, – деп айтып өткен тест орайы ўәкили.

 

Ислам Матеков,

Қарақалпақстан хабар агентлигиниң шолыўшысы.

 

скачать dle 10.6фильмы бесплатно



  • 13-05-2019, 14:00 |
  • 431