Бақшаларға видеокамералар орнатыў керек

Бала бул өсип киятырған нәзик гүлге уқсайды. Бүгинги күнде балалар тәрбиясына мәмлекетимиз тәрепинен үлкен итибар қаратылмақта ҳәм мектепке шекемги билимлендириў мәкемелерин жергиликли бюджет тәрепинен капитал оңлаў, реконструкция жумыслары алып барылып ҳәм жаңадан  қурылып атыр. Мени қыйнап жүрген бир мәселе усындай имканиятлар бола турып айырым балалар бақшаларында балаларға тәрбияшылар тәрепинен қопал мүнәсибетте болыўлар ҳәттеки балаларға қол көтериў жағдайлары ушырасып келмекте. Өсип киятырған ғумшаларға бундай қатнас әлбетте кери тәсирин көрсетип  балалар бақшасынан кеўли суўып барғысы келмейди. Сол ушын тәрбияшылар балаларға өз анасындай тәрбия берилсе ҳәм интерактив ойынлар арқалы тәрбия ҳәм билим берсе мақсетке муўапық болар еди. Егерде балаларға қопал мүнәсибетте болса баланың мектепке шекемги билимлендириў мәкемесине деген исеними жоғалып ўатанды сүйиўшилик сезимлери пәсейеди ҳәм келешекте мәмлекет маған неқылды мен мәмлекетке қандай исенемен деген ой пикирлер мийинде сиңип қалады. Сол ушын балалар бақшасынан ўатанды сүйиўшилик сезимлерин оятса мақсетке муўапық болар еди. Мениң усынысым балалар бақшасына бақлаў камераларын орнатып ата аналар өз балаларының қандай тәрбия алып атырғанын, қандай аўқат жеп атырғанын телефон арқалы бақлап отырса жақсы болар еди.

 

Марат Улпетов,

Нөкис қаласы

 

скачать dle 10.6фильмы бесплатно



  • 19-04-2019, 10:43 |
  • 537