Мектепке шекемги билимлендириў мәкемелериндеги жаңа хызметлер

Өзбекстан Республикасы Мектепке шекемги  билимлендириў министрлигиниң 2019-жыл 18-январь күнги 3-МҲ-санлы арнаўлы буйрығы тийкарында, Мектепке шекемги билимлендириў мәкемелери жумыс күни  тамамланғаннан кейин  ҳәм дем алыс кунлери пуллы хызмет көрсетиў ҳуқына ийе болды.

Өзбекстан Республикасы бойынша мектепке шекемги билим бериў мәкемелеринде төмендеги қосымша хызметлерди көрсетиўи  мүмкин:

-мектепке шекемги билимлендириў мәкемелеринде жумыс ўақты тамамланғаннан кейин ҳәм екшемби күнлери балалар тәрбиясы, оларға қараў ҳәм оқытыў,

-мектепке шекемги билимлендириў мәкемелериниң оқыў дәстүрлеринен тысқары спорт саўалландырыў дөгереклери (каратэ, таэквандо, сүзиў, шахмат-шашка, гимнастика ҳ.т.б.),

-көркем эстетикалық дөгереклер (хор, ойын, көркем өнер ҳ.т.б.), пән дөгереклерин (шет тиллери, математика,  қызықлы арифметика, информатика ҳ.т.б.) шөлкемлестириў.

Хызмет түрлери ҳәм баҳалары мектепке шекемги билимлендириў мәкемеси бақлаў кеңеси тәрепинен көрип шығылады ҳәмде баслығы ҳәм мектепке шекемги билимлендириў бөлими тәрепинен тастыйықланады.

Қосымша хызметлер топарына қабыллаў ата-аналарының арзалары  тийкарында әмелге асырылатуғын топарларда балалар саны 25тен аспаўы керек. Хызметлер ата-аналар усынысына бола олардың бири ҳәм мектепке шекемги билимлендириў мәкемеси ортасындағы шәртнама тийкарында  әмелге асырылады.

Қосымша хызметлер көрсетиўши қәнигелердиң келисими тийкарында әмелге асырылатуғын хызметлер, оқыў дәстүрине кесент бермеўи лазым.

 Бул жумыслардан алынған дәраматлардың 80 % мектепке шекемги билимлендириў мәкемеси материаллық техникалық базасын беккемлеў ҳәмде қәнигелерин хошаметлеўине жумсалады.

 

 

Дерек: http://kanews.uz

скачать dle 10.6фильмы бесплатно



  • 24-01-2019, 10:18 |
  • 1 976