«Уста балықшы» қайта таярлаӯ оқыӯ курсы

Ташкент мәмлекетлик аграр университетиниң Нөкис филиалында 2 ҳәпте даӯамында билим хәм тәжирийбелерин арттырған катнасыӯшылардың  курс жуӯмағына бағышланған илаж болып өтти.

Республикамызда балықшылық тармағын және де раӯажландырыӯ, балық өнимлерин ислеп шығарыӯды заманагөй ҳәм инновациялық усылларын енгизген ҳалда көлемлерин арттырыӯ, тараӯды тәртипке салыӯ бойынша бир қатар нызам ҳүжжетлери қабыл етилип, олардыӊ орынланыӯын сапалы ҳәм пуқта тәминлеӯ илажлары көрилмекте.

«Уста балықшы» қайта таярлаӯ оқыӯ курсы

 

Мағлыўмат орнында бу курстың Өзбекстан Республикасы Президентиниӊ 2018-жыл 6-апрельдеги ПК 3657-санлы қарарында белгиленген тапсырмалардыӊ орынланыӯын тәминлеӯ мақсетинде, «ҚҚбалықсанаат бирлеспеси ҳәм Ташкент мәмлекетлик аграр университети Нөкис филиалы жанындағы «Аӯыл хожалығында инновациялық қолланбалар ҳәм мәсләҳәт орайы менен биргеликте шөлкемлестирилген «Уста балықшы» бағдары бойынша балықшылық хожалықлары хызметкерлерин қайта таярлаӯ, билимлерин арттырыӯ мақсетинде шөлкемлестирилгенин атап өтиў орынлы.

Илажда шығып сөйлегенлер тәрепинен республикамызда интенсив усылда балық жетистириӯди басқышпа-баскыш жолға койыӯ ҳәм хошаметлеӯ, бар суӯ ресурсларынан нәтийжели пайдаланыӯ, тараӯга инновациялық идиалар, илимий қолланбалар, заманагөй технологиялар ҳәм илим жетискенликлердиң кеӊ көлемде енгизилиӯи, балықшылық тармағыныӊ буннан былай да раӯажланыӯына бағдар беретуғынлығы ҳаккындағы пикирлер билдирилди.

Илаж жуӯмағында оқып, тәжирийбелерин арттырған балыкшылық тараӯын раӯажландырыӯга хызмет етип атырған фермерлер ҳәм тыӊлаӯшыларға арнаӯлы сертификатлар тапсырылды.

 

Филиал Баспасөз хызмети

 

скачать dle 10.6фильмы бесплатно



  • 30-12-2018, 16:15 |
  • 486