Мойнақлы 50, Кегейли, Тахтакөпир ҳəм Қараөзек районларынан да жəми 50 абитуриент студент болды

 

Мойнақлы 50, Кегейли, Тахтакөпир ҳəм Қараөзек районларынан да жəми 50 абитуриент студент болды

Ҳүрметли Президентимиз Ш.Мирзиёев усы жылдың 15-16-ноябрь күнлери республикамызға сапары даўамында барлық тараўлар қатарында билимлендириў тараўын раўажландырыўға, келешегимиз болған жаслардың жоқары мағлыўматлы, билимли кадрлар болып жетисип шығыўына айрықша итибар қаратып, бул бағдарда бир қатар тапсырмаларды белгилеп берген еди.

Президентимиздиң тапсырмалары ҳəм кеңейтилген тəризде өткерилген мəжилис протоколы тийкарында белгилеп берилген ўазыйпалардың орынланыўы бойынша республикамызда бул бағдардағы ийгиликли ислер басланып кетти.

Республикамыздың Мойнақ районынан 50 жас усы жылдың 12-декабринен баслап мəмлекетлик грант тийкарында жоқары оқыў орынларында оқыўын баслады. Олардан 25и Əжинияз атындағы Нөкис мəмлекетлик педагогикалық институтына, ал, қалған 25и Ташкент педиатрия медицина институты Нөкис филиалына оқыўға қабыл етилди. Сондай-ақ, усы медицина институтына жəне республикамыздың Кегейли, Тахтакөпир ҳəмде Қараөзек районларынан да жəми 50 абитуриент оқыўға қабыл етилди.

Усы мүнəсибет пенен 14-декабрь күни усы жоқары оқыў орынларында тийисли тəртипте оқыўға қабыл етилип, студентлик бахтына ерискен жасларға студентлик гүўалықларын тапсырыў салтанаты болып өтти.

 

Дерек: parliamentrk.gov.uz

скачать dle 10.6фильмы бесплатно



  • 17-12-2018, 15:36 |
  • 526