Шоманай районында «Китаплар акция»сы өткерилди

Шоманай районында «Китаплар акция»сы өткерилди

2017 жылдың 11 апрель күни Ж.Базаров атындағы 13-санлы Балалар музыка ҳәм көркем өнер мектебинде «Китаплар акция»сы өткерилди. Акцияны өткериўден мақсет жаслар арасында китап оқыўды үгит нәсиятлаў, китапханлық мәдениятын асырыў болып табылады. Акцияны район ҳәкиминиң орынбасары, ҳаял-қызлар комитети баслығы Т.Каллықылычова ашып берди. «Китап акция»сына Қарақалпақстан жазыўшылар аўқамының баслығы К.Каримов, жазыўшылар аўқамының жуўаплы хаткери, «Қарлығаш» журналының редакторы Б.Ерназаров, Қарақалпақстан халық жазыўшысы, филология илимлериниң кандидаты, «Қарақалпақстан спорты» газетасының жуўаплы редакторы А.Абдиев, райондағы тийисли мекеме, шөлкем басшылары, улыўма билим бериў мектеплери, кәсип өнер колледжлери, аўыл ҳәм мәкан пуқаралар жыйынлары, оқыўшы жаслар ҳәм ғалаба хабар қураллары ўәкиллери қатнасты. Өткерилген кешеде район аймағын мекемелер халық билимлендириў бөлими, Почта, Финанс, салық бөлимлери, пуқаралар жыйынлары басшылары, барлық мектеплер, кәсип-өнер колледжлеринин директорлары, «Махалле» фонды, «Камолот» ЖЖҲ, «Нураный» фонды, медицина бирлеспесинен, сондай-ақ жеке исбилермен Сейдабулла Медетовтан 70 китап жәми 140 китап акцияға келип түсти. Келип түскен китаплардан үй шараятында оқып атырған 10 оқыўшы балаларға саўға етилди.

Буннан соң мектеп, колледж оқыўшылары өзлериниң жазған қосықлары ҳәм гүрриңлеринен үзиндилер оқыды, 7 мектеп оқыўшысы Хожабаева Зулфия «Тумарис» монологын айтып берди. Буннан соң 5 санлы мектептиң ҳәўескер оқыўшылар тәрепинен К.Каримовтың «Ағабий» романынан үзинди саҳналық көринис қойып берди.

Акция даўамында барлық улыўма билим бериў мектебинде ҳәм кәcип өнер колледжлеринде оқып атырған ең китапхан оқыўшыларға келип түскен китаплар саўға етилди. Соң «Ең китапқумар ҳаял-қыз» номинациясы бойынша «Мәденият» мәкан пуқаралар жыйыны турғыны, Өзбекистан телеканалы арқалы эфирге узатылып киятырған «Заковат» телеойынының турақлы ықласбенти ҳәм бир неше сораўлары менен қатнасқан Жалменова Светлана, «Ең китапқумар нураный» номинациясы бойынша «Наўрыз» мәкан пуқаралар жыйынынан Базарбай Бердимуратов, «Ең китапқумар мектеп оқыўшысы» номинациясы 16 мектеп оқыўшысы Қайпбергенова Шахноза, «Ең китапқумар колледж оқыўшысы» номинациясы бойынша Даўлетбаева Элиза, «Ең үлгили китапханашы» номинациясы бойынша Аўыл-хожалығы кәсип өнер колледжиниң китапханашысы Зәўре Қайпова, «Ең үлгили газета оқыўшысы» номинациясы бойынша Талшын Сандибаеваға китаплар ҳәм район ҳәкиминиң ҳүрмет жарлығы тапсырылды. Акция жуўмағында перзентлерине китап саўға етиў мақсетинде келген ата-аналарға жеке исбилермен С.Медетов тәрепинен бийпул берилген китаплар саўғаға берилди. Акция жыйналғанларда үлкен тәсир қалдырды.

Ш.Якупова
Шоманай районы ҳаял-қызлар комитети бас қәнийгеси
скачать dle 10.6фильмы бесплатно



  • 13-04-2017, 13:50 |
  • 419