Муғаллимлер көп айлық алатуғын 17 мәмлекет

Муғаллимшилик кәсиби ҳәр бир мәмлекетте ең әҳмийетли кәсиплерден бири. Себеби, мәмлекет абаданлығы, халықтың саўатлы болыўы ушын әйне муғаллимлер тырнақ қалайды. Айырым еллерде муғаллимлердиң мәмлекет раўажы ушын қосып атырған үлеси жоқары дәрежеде қәдирленеди ҳәм оларға жақсы айлық төленеди. Муғаллимлерге ең көп айлық төленетуғын усындай мәмлекетлер дизими менен таныстырамыз.

  1. Люксембург-79,129.67 доллар (жылына). Люксембургта билим үш тилде-люксембург, немис ҳәм француз тиллеринде алып барылады.
  2. Швейцария-69,704.74 доллар. Швейцарияда 26 кантон мәжбүрий билимлендириў системасы ушын жуўапкер есапланады.
  3. Германия-64,418.47 доллар. Немис шаңарағындағы балалар тийкарынан мәмлекетлик мектеплерде оқыйды.
  4. Норвегия-47,313.23 доллар. Норвегияда эмигрантлардың перзентлери ушын оқыў еки тилде алып барылатуғын мектеплер хызмет көрсетеди.
  5. Дания-46,784.11 доллар. Данияда билим алыў бийпул болып, бул жерде 9 жыллық мәжбүрий билим енгизилген.
  6. АҚШ-43,556.76 доллар. 2011-жылы АҚШта 3 жастағы балалардың ярымы мектепке шекемги билимлендириў мәкемелерине қатнаған болса, Европада бул көрсеткиш 90 процентти қураған.
  7. Мексика-42,816.51 доллар. Мексикада көпшилик балалар баслаўыш мектепке барады, бирақ 2011-жылы тек 62 процент бала орта мектепке барған.
  8. Испания-41,886.99 доллар. 2008-жылғы финанслық кризис себепли ҳәзир Испания Европада жумыссызлық көрсеткиши бойынша ең жоқары орында турады.
  9. Австралия-40,762.47 доллар. Австралияда үш түрдеги мектеплер бар-мәмлекетлик мектеплер, католик мектеплери ҳәм ғәрезсиз яки жеке меншик мектеплери.
  10. Нидерландия-39,089.02 доллар. Нидерландияда тийкарғы оқыў голланд тилинде болса да, көпшилик мектеп ҳәм университетлер инглис тилинде билим бериўге өтип атыр.
  11. Канада-39,071.90 доллар. Бул жерде балалар әү жасқа шекем мектепке келиўге мәжбүр болып, Манитоба, Онтарио ҳәм Нью-Брансуикте билим алыў әҳ жасқа шекем мәжбүрий болып есапланады.
  12. Финляндия-37,728.28 доллар. Финляндияда балалар ў жасқа толғанынан кейин мектепке қабыл етиледи.
  13. Австрия-37,122.44 доллар. Австрияда 9 жыллық мәжбүрий бийпул билимлендириў системасы енгизилген.
  14. Швеция-36,766.81 доллар. Швецияда мәжбүрий мектеп билимлендириўи төрт-мектепке шекем, киши, орта ҳәм жоқары билимлендириў басқышларына бөлинеди.
  15. Коста-Рика-33,519.29 доллар. Коста-Рикада оқыўшылар шаңарақлары арасындағы экономикалық айырмашылық ажыралып турмаўы ушын барлық мектеп оқыўшылары бирдей кийимде жүриўи шәрт.
  16. Португалия-32,563.75 доллар. Португалияда мектепке шекемги билимлендириўден жоқары билимлендириўге болған дәўирде билим алыў ушын мәмлекетлик яки жеке меншик билимлендириў мәкемесинен биреўин таңлаў мүмкин.
  17. Франция-31,421.49 доллар. Францияда ecole maternelle деп аталыўшы мектепке шекемги билимлендириўден кейин мәжбүрий билимлендириў системасы үш- ecole, college ҳәм lycee басқышларына бөлинген.

Салыстырып көретуғын болсақ, Өзбекстанда мектеп муғаллимлериниң орташа айлығы 2018-жыл 1-сентябрьден 1 млн 749 500 сум (222,5 доллар, жылына 2670 доллар)ды қурайды. 2019-жыл 1-январьдан баслап олардың айлығы 2 млн 501 мың сумға (318,1 доллар, жылына 3817 доллар)ға көтерилиўи нәзерде тутылған.

 

Интернет мағлыўматлары бойынша таярлаған:

М.ЖОЛДАСБАЕВ ҳәм Д.ДЖАЙЛХАНОВА.

 

Дерек: «Устаз жолы» газетасы

 

скачать dle 10.6фильмы бесплатно



  • 10-11-2018, 23:08 |
  • 576