Бакалавриаттың 3-4-курсларында билим алып атырған студентлер оқыўын сыртқы тәлим формасына өткериўи мүмкин

Екинши жоқары тәлим бойынша бакалавриаттың күндизги тәлим формасына 3 ҳәм 4-курсларда билим алып атырған студентлерге оқыўды сыртқы тәлимге өзгертиўге рухсат берилди. Бул ҳаққында Жоқары ҳәм орта арнаўлы билимлендириў министрлиги баспасөз хызмети хабар бермекте.

Өзбекстан Республикасы тәлим мәкемелерине оқыўға қабыллаў бойынша Мәмлекет комиссиясының 2018-жыл 17-сентябриндеги 9-санлы баянламасына муўапық жоқары оқыў орынларында ҳәм пуқаралардың көплеген мүрәжатлары есапқа алынған ҳалда екинши жоқары билимлендириў бойынша бакалавриаттың күндизги тәлим формасында 3 ҳәм 4-курсларда билим алып атырған студентлердиң оқыўын олардың арзаларына бола сыртқы тәлим формасына өткериўге рухсат берилди.

Бунда,

Филология ҳәм тиллерди оқытыў (шет тиллер бойынша, сол қатары, рус тили), Шет тили ҳәм әдебияты (тиллер бойынша), Ана тили ҳәм әдебияты (рус тили ҳәм әдебияты, рус тили ҳәм әдебияты өзге тилли топарларда) тәлим жөнелислери, сондай-ақ, медицина жоқары оқыў орынлары есапқа кирмейтуғыны,

жоқары оқыў орны бойынша ҳәр бир тәлим жөнелиси кесиминде (тәлим тили) арза тапсырғанлар саны 7 адамнан кем болған ҳалда студентлер сыртқы тәлим формасына өткериў, болмаса бийкар етиўи белгиленди.

Күндизги тәлим формасынан сыртқы тәлим формасына өткерилген студентлер ушын төлем-контракт муғдары 2018/2019-оқыў жылында 2-қәнигеликке қабылланған студентлер ушын бирдей етип белгиленди.

 

Аўдарма: makan.uz

скачать dle 10.6фильмы бесплатно



  • 21-09-2018, 16:08 |
  • 315