Лицей питкериўшилерине сертификатлар тапсырылады

Лицей питкериўшилерине сертификатлар тапсырылады

Өзбекистан Президенти қарарына муўапық билимлендириў тараўында жаңа тәртиплер орнатылды. Атап айтқанда, академиялық лицейлер питкериўшилерине сертификатлар бериледи. «Академиялық лицейлер питкериўшилерине анық қәнийгеликлер бойынша билим ҳәм көнликпелер бериў нәзерде тутылған болып, билимлендириў процесси жуўмағына жеткеннен кейин мәмлекетлик үлгидеги сертификат бериледи», делинген «Орта арнаўлы, кәсип-өнер билим бериў мекемелери жумысын еле де жетилистириў илажлары ҳаққында»ғы қарарда.
Қарарда билимлендириў процесси сапасын арттырыў ҳәм академиялық лицейлер питкериўшилериниң жоқары билимлендириў мекемелеринде оқыўды даўам еттириўи ушын бөлек илажлар ислеп шығылған. Олар:
академиялық лицей оқыўшыларының жоқары оқыў орынлары мәлимлеме-ресурс орайлары ҳәм басқа материаллық-техникалық базасынан пайдаланыў мүмкиншилигин кеңейтиў;
ҳәр бир академиялық лицейде оқыўшылардың индивидуал қәбилетинен келип шығып, алдағы педагогикалық ҳәм информация-коммуникация технологиялары, электрон билимлендириў ресурслары, оқыўшылардың дөретиўшилик ҳәм еркин излениўлерине қаратылған бағдарламаларды ислеп шығыў;
жоқары оқыў орынларының тәжирийбели профессор-муғаллимлерин академиялық лицейлердиң педагог кадрларға патронаж сыпатында бириктириў;
жоқары оқыў орынлары жумысына баҳа бергенде олар тәрепинен билим бериў нәтийжелигин арттырыў бойынша академиялық лицейлер менен биргеликте алып барып атырған жумысларға айрықша итибар қаратыў нәзерде тутылған.
Бул бағдарда семинар-тренинглер шөлкемлестириў, оқытыў процессинде информация-коммуникация технологияларын кең енгизиў, шет тиллерин өзлестириў, тәжирийбели профессор-муғаллимлер қатнасыўында турақлы тәжирийбе сабақларын өткериў, академиялық лицей муғаллимлерине илимий-методикалық жәрдем бериў бойынша алып барылып атырған жумысларды баҳалаў өлшемлерин ислеп шығыў сыяқлы мәселелер қамтып алынған.
Буннан тысқары, қарарда академиялық лицейлер тийкарында басқышпа-басқыш шөлкемлестирилетуғын кәсип-өнер колледжлери ушын керекли устаханаларды қурыў ҳәм үскенелеў, сондай-ақ, саат-пай тийкарда академиялық лицейлерде жумыс ислейтуғын профессор-муғаллимлердиң айлығын көбейтиў ушын мәмлекет бюджетинен керекли қаржылар ажыратылыўы нәзерде тутылған.

Фото: Davra.uz
скачать dle 10.6фильмы бесплатно



  • 1-04-2017, 11:19 |
  • 648