«Диплом менен бизнеске» жойбары тийкарында семинар өткерилди

«Диплом менен бизнеске» жойбары тийкарында семинар өткерилди

Исбилерменлер ҳәрекети - Өзбекистан Либерал-демократиялық партиясы Шымбай районлық Кеңеси тәрепинен «Ўатанымыздың келешеги ушын жуўапкермиз!» ураны астында «Жас мүлкдар – журт таянышы» ҳәмде «Диплом менен бизнеске» жойбарлары тийкарында семинар Шымбай қурылыс ҳәм сервис кәсип-өнер колледжиниң мәжилислер залында болып өтти.
«Диплом менен бизнеске» жойбары тийкарында семинар өткерилди

Оған O’zLiDeP Сиясий Кеңеси Атқарыў комитети Жаслар менен ислесиў бөлими қәнийгеси Т.Салимов, партияның Қарақалпақстан Республикалық ҳәм районлық Кеңеси хызметкерлери, Районлық салық басқармасы, тийисли шөлкем басшылары, коммерциялық банктен ўәкиллер, колледж питкериўшилери, жәмлеспеген жаслар ҳәм ғалаба хабар қураллары ўәкиллери қатнасты.
Семинардың мақсети болса жаслардың исбилерменлик ҳәм фермерликке болған қызызығыўшылығын арттырыў, өз бизнесин шөлкемлестириў ушын экономикалық ҳәм ҳуқықый шараятлар жаратыў, жоқары ҳәм орта арнаўлы кәсип-өнер колледжи питкериўшилерин киши бизнес ҳәм жеке исбилерменликке тартыў, жасларды мәмлекетимиз келешеги жолындағы умтылыс, изленислери, жәмийетлик жумыслардағы белсендилигин қоллап-қуўатлаў ҳәм социаллық-сиясий белсендилигин еледе асырыў ҳәм электорат ўәкиллери болған исбилермен жаслардың санын арттырыўдан ибарат. Илажда «Оқыў орынлары питкериўши жасларды исбилерменликке тартыў бағдарындағы қосымша ис-илажлар ҳаққында»ғы Өзбекистан Республикасы Президенти пәрманының орынланыўын тәмийинлеў мәселелери сөз етилди.
«Диплом менен бизнеске» жойбары тийкарында семинар өткерилди

Бүгинги күни Қарақалпақстан Республикасы бойынша 17 220 дан зыят партия ағзаларының 9 мыңнан асламын жаслар қурап, олар 755 басланғыш партия шөлкемине бириктирилген ҳалда жумыс алып бармақта. Ал, Шымбай районы бойынша 1100 ден зыят партия ағзаларының 523 жаслар қурап, олар 45 басланғыш партия шөлкемине бириктирилген ҳалда жумыс алып бармақта.
Атап өтиў орынлы, жаслардың жәмийетте өз орнын табыўы, жәмийет қурылысында бар болған тәртип ҳәм қағыйдаларға әмел еткен ҳалда оның белсенди қатнасыўшысына айланыўы лазым. Жәмийет раўажланыўында жаслардың қәбилети ҳәм умтылысларынан үнемли пайдаланыў, раўажланыў ҳәм пәраўанлықтың баслы ўазыйпасы есапланады.
Өткерген семинар-тренингде де әсиресе мәҳәллелердеги жәмлеспеген жаслардың исбилерменлик басламаларын жолға қойыўы, ҳуқықый билим ҳәм көнликпелерге ийе болыўлары ушын оларға жакыннан көмеклесиў, кәсип-өнер колледжи питкериўшилери арасынан да исбилерменликке қызығыўшылығы бар болған ертеңги күни кредит алып жаңа жумыс орынларын жаратыўда жаслардың бәнтлигин тәмийинлеў жойбардың тийкарғы ўазыйпасы болып табылады.
Өткерилген семинар-тренинглер жоқарыдағы машқалаларды шешиўде баслы қәдем болып хызмет етеди.
Семинар жәмлеспеген ҳәм колледж жасларының сораў-жуўаплары менен даўам етти.

Әсем Сырымбетова
O’zLiDeP Қарақалпақстан Республикасы
Кеңеси баспасөз хаткери
скачать dle 10.6фильмы бесплатно



  • 30-03-2017, 12:04 |
  • 199