Қарақалпақстанда биринши мәрте билимлендириў бағдарында студентлер арасындағы «Exchange» усылы НМПИде әмелге асырылады

Әжинияз атындағы Нөкис мәмлекетлик педагогикалық институтында сырт еллердиң жоқары оқыў орынлары менен турақлы ҳәм тығыз байланыслар орнатылған. Әсиресе, институт профессор-оқытыўшыларының халықаралық көлемде абыройлы есапланған жоқары оқыў орынларына қәнигелигин жетилистириў ҳәм тәжирийбе алмасыў мақсетинде көплеген бағдарламалар әмелге асырылмақта.

2018-2019-оқыў жылынан баслап Нөкис мәмлекетлик педагогикалық институты Қазақстан Республикасы ҳәм Россия Федерациясындағы бирнеше жоқары оқыў орынлары менен студентлерди өз ара алмасыў – «Exchange» усылы арқалы билим ҳәм көнликпелерин арттырыў жолға қойылады.

Мағылўмат ушын, бул усыл Қарақалпақстан Республикасы шараятында билимлендириў тараўында тек ғана профессор-оқытыўшылардың алмасып жумыс ислеўи жолға қойылған еди. Енди студентлер де бундай имканиятқа ийе болады. Бул биринши мәрте Нөкис мәмлекетлик педагогикалық институтында әмелге асырылады.

 

Ислам Матеков,

Қарақалпақстан хабар агентлигиниң шолыўшысы.

 

скачать dle 10.6фильмы бесплатно



  • 10-08-2018, 14:16 |
  • 262