ДТМ Өзбекстанда тест сынақлары өткериўдиң соңғы механизмлерин қашан мәлим етеди?

Мәмлекетлик тест орайы Өзбекстанда тест сынақлары өткериўдиң соңғы механизмлерин 15-июльдан соң жәриялайды. Бул ҳаққында «Podrobno.uz» хабар бермекте.

Усы жылы мәмлекет тарийхында биринши мәрте тест сынақлары бир күнде – 1 августта емес, ал сол сәнеден 15-августқа шекем өткериледи. Имтиҳанлар еки сменада болып өтеди: биреўи азанда 8:00 де, екиншиси болса 15:00 де басланады.

Көплеген абитуриентлер ҳәм олардың ата-аналары да «Бул күнлери жоқары оқыў орынлары ямаса жөнелислер бойынша тастыйықлана ма? Айтайық, 1-август күни тек ғана шыпакерлер, 2-август күни юристлер имтиҳан тапсыра ма?» деген сораўларды бермекте.

ДТМ басқарма баслығы Севара Зуфархўжаева берген мағлыўатқа қарағанда, тест сынақлары өткериўдиң анық механизмлери орай сайтында 15-июль – абитуриентлерден ҳүжжет қабылланыўы жуўмақланғаннан соң жәрияланады.

«Усы жылы мәмлекет жоқары оқыў орынларына 810 мыңнан артық абитуриент ҳүжжет тапсырыўы күтилмекте. Бирақ, бул тек ғана болжаў. 15-июльдан кейин неше абитуриент ҳәм қайсы оқыў орынлары, жөнелислерге ҳүжжет тапсырғанын анализлеймиз.

Нәтийжеде тестлер өткериў ушын қанша имарат керек екени, абитуриентлерди қандай бөлистириў кереклиги анық болады», - деди Севара Зуфархўжаева.

ДТМ ўәкилиниң анықлық киритиўинше, соңғы механизм Мәмлекет комиссиясы тәрепинен көрип шығылады ҳәм буннан соң орай сайтында жәрияланады.

 

Аўдарма: makan.uz

скачать dle 10.6фильмы бесплатно



  • 6-07-2018, 20:51 |
  • 346