Туринге оқыўға кириў ушын 20% жеңиллик ҳәм бир жылға стипендия утқан колледж оқыўшылары

O‘zLiDeP Жоқары ҳәм орта арнаўлы билимлендириў министрлигиниң кәсиплик билимлендириў орайы менен биргеликте кәсип-өнер колледжлери оқыўшылары арасында өндирис, сервис, туризм, аўыл-хожалығы тараўларын раўажландырыў бойынша ислеп шығылған ең жақсы инновациялық идеялар бойынша 1-мәрте «Жас инновацияшы» таңлаўын өткерди.

22-май күни болып өткен таңлаўдың Қарақалпақстан Республикалық басқышында 44 жаңа идея ҳәм инновациялық жойбарлар менен қатнасқан жаслар ишинен Нөкис компьютер кәсип-өнер колледжи оқыўшысы Николай Чекмарёв (биоток ислеп шығарыў), Нөкис туризм ҳәм сервис кәсип-өнер колледжи оқыўшысы Дильфуза Караматдинова (қара үй ишинде кинотеатр ислеў), Нөкис социал-экономикалық кәсип-өнер колледжи оқыўшысы Азиза Сабырбаевалар (машина шиналарынан эко-май ислеп шығарыў) таңлаўдың жуўмақлаўшы финаллық басқышына жоллама алған еди.

Туринге оқыўға кириў ушын 20% жеңиллик ҳәм бир жылға стипендия утқан колледж оқыўшылары

 

Усы жылдың 2-3-июль күнлери Ташкент ўәлаятының Бустонлық районында жайласқан «Жаслар дем алыў орайы»нда «Әзиз ҳәм жалғызымсаң, жанажан Өзбекстаным!» ураны менен «Жас инновацияшы» таңлаўының финаллық басқышы болып өтти. Таңлаўда 42 жас өзиниң инновациялық ойлап табыўлары менен қатнасты ҳәм өз презентацияларын иследи. 4-июль күни Жас инновацияшылар Инновациялық раўажланыў министрлиги жанындағы Алдағы технологиялар орайы, Турин политехника университетиндеги заманагөй техника ҳәм технология қураллары орайы менен таныстырылды. Сондай-ақ, Өзбекстан Илимлер академиясы Президиумында мәмлекетимиздиң белгили алымлары, Өзбекстан Илимлер академиясы академиклери менен ушырасыўы болып өтти. Усы күни таңлаў жеңимпазларын сыйлықлаў мәресими өткерилди.

Туринге оқыўға кириў ушын 20% жеңиллик ҳәм бир жылға стипендия утқан колледж оқыўшылары

Қарақалпақстаннан қатнасқан үш колледж оқыўшылары ишинде Нөкис туризм ҳәм сервис кәсип-өнер колледжи оқыўшысы Дильфуза Караматдинова 3-орынды, Нөкис компьютер кәсип-өнер колледжи оқыўшысы Николай Чекмарёв 1-орынды ийеледи.

Таңлаў жеңимпазлары ҳәм таңлаўда белсене қатнасқан 42 жасқа O‘zLiDeP тәрепинен бир жыл даўамында арнаўлы стипендия төлеп барылады.

Буннан тысқары, Ташкенттеги Турин политехника университети таңлаўда биринши орынды ийлеген колледж питкериўши жасларына бир жыл мүддет пенен кириў имтиҳанында топлаған балы ушын 20% жеңиллик берди.

Туринге оқыўға кириў ушын 20% жеңиллик ҳәм бир жылға стипендия утқан колледж оқыўшылары

 

Мәмлекетимизде өткерилип атырған бул таңлаўдың мақсети таңлаў арқалы анықланып атырған ҳәр бир жас инновацияшы ҳәм оның ойлап табыўының кейинги тәғдирин туўрыдан-туўры гүзетип барыў, керек болса тийисли финанслық, шөлкемлестириў жәрдемин берген ҳалда олардың турмысқа ендирилиўин тәмийинлеўден ибарат.

 

Лола Қаллыханова

O‘zLiDeP Қарақалпақстан Республикалық Кеңеси баспасөз хаткери

скачать dle 10.6фильмы бесплатно



  • 6-07-2018, 14:57 |
  • 206