Муғаллим 4 саат қағаз толтырғаны ушын өз үстинде ислей алмай атыр - Абдулла Арипов

Муғаллим 4 саат қағаз толтырғаны ушын өз үстинде ислей алмай атыр - Абдулла Арипов

 

21-июнь күни Өзбекстан Бас министри Абдулла Арипов басшылығында Халық билимлендириў системасын реформалаў мәселелерине арналған жыйналыс болды. Бул ҳаққында daryo.uz хабар бермекте.

Бас министр орынбасарлары ҳәм басқа министрликлер басшылары қатнасқан жыйналыста халық билимлендириў системасындағы машқалалар санап өтилди.

«Муғаллим бир күнде 2-3 саат сабақ берсе, 4 саат ўақтын қағаз толтырыўға жумсайды. Соның ушын муғаллим өз үстинде ислей алмай атыр. Информация технологиялары раўажланған дәўирде жасап атырмыз. Тараўға информация технологияларын енгизиў керек», - дейди Абдулла Арипов.

Сондай-ақ, Бас министр Халық билимлендириў системасын түпкиликли реформалаў ушын министрликке шет елдиң белгили университетлеринде билим алған, жетекши шет ел шөлкемлеринде узақ жыллар мийнет еткен инсанлар басшы етип тайынланғаны, олардың алдында үлкен ўазыйпалар турғанын атап өтти.

«Ҳүкимет, жәмәәтшилик министрликке ҳәр тәреплеме жәрдем бермесе, олар өз алдыларындағы ўазыйпаларды орынлай алмайды», - дейди Абдулла Арипов.

 

Аўдарма: makan.uz

скачать dle 10.6фильмы бесплатно



  • 21-06-2018, 15:23 |
  • 555