Жоқары оқыў орнына жеңиллик пенен кириў ушын жаңа имканият пайда болады

Министрлер Кабинетиниң «Улыўма орта билим бериў мәкемелериниң питкериўшилерин хошаметлеўди еле де жетилистириў ис-илажлары ҳаққында»ғы қарары жойбары норматив ҳуқықый ҳүжжетлер жойбарлары додалаўы порталына жайластырылды.

Жойбарға 11 жыллық улыўма орта билимлендириўге өтилиўи мүнәсибети менен улыўма орта билим бериў мәкемелери питкериўшилери ушын алтын ҳәм гүмис медалларды енгизиў усынысы киритилмекте.

Жойбарға муўапық, 11-класс питкериўшилери алтын медальды алыў ушын:

9-классты питкергени ҳаққындағы ағла дәрежели аттестат;

10-11-класслардағы барлық пәнлер бойынша аралық, жуўмақлаўшы баҳалаўлар ҳәм шерек ҳәм жыл жуўмақлары бойына ағла баҳалар;

Үлгили қулққа ийе;

Жәмәәт ислеринде белсенди болыўлары керек.

Гүмис медальды:

9-классты питкергени ҳаққындағы ағла дәрежели аттестат;

10-11-класслардағы барлық пәнлер бойынша жыл жуўмағына муўапық ағла баҳалар;

Үлгили қулққа ийе;

Жәмәәт ислеринде белсенди болған питкериўшилер ала алады.

Жоқары билимлендириў мәкемелерине кириўде медаллар ийелерине төмендеги жеңилликлер берилиўи усыныс етилмекте:

Алтын медаль – кириў имтиҳанларында топлаған улыўма баллға 50%;

Гүмис медаль – кириў имтиҳанларында топлаған улыўма баллға 30%.

Алтын ҳәм гүмис медалларға ийе болған оқыўшыларға берилетуғын жеңиллик мүддетин 1 жылға шекем етип белгилеў режелестирилген.

Халық билимлендириў министрлиги алтын ҳәм гүмис медаллардың оқыўшыларға қалыс ҳәм әдил принциплерге әмел еткен ҳалда тапсырылыўын тәмийинлейди.

Буннан тысқары, министрлик ҳәр жылы 10-июньге шекем өзиниң веб-сайтында медаллар менен сыйлықланған питкериўшилер ҳәм оларға берилген аттестат ҳаққындағы мағлыўматларды жайластырады.

 

Аўдарма: makan.uz

скачать dle 10.6фильмы бесплатно



  • 15-06-2018, 14:15 |
  • 897