Өзбекстан ҳүкимети 2021-жылға шекем латын жазыўындағы әлипбеге өтиўди режелестирмекте. Тийкарғы режелер

Өзбекстан ҳүкимети латын жазыўына тийкарланған өзбек әлипбесин енгизиў қағыйдаларының сөзсиз орынланыўын тәмийинлеў шараларын көреди. Бул ҳаққында Өзбекстан Республикасы Бас министри Абдулла Арипов ҳәм Президенттиң Мәмлекетлик мәсләҳатшиси Хайриддин Султанов тастыйықлаған Ҳәрекетлер режесинде усылай делинген, деп жазады kun.uz.

Оған муўапық, латын жазыўына тийкарланған өзбек әлипбесин енгизиў еле де жетилистириў бойынша әмелдеги нызам ҳәм ҳүкимет қарарлары еледе беккемленеди.

Соның менен бирге, тийисли нызамшылық талаплары сөзсиз орынланыўын тәмийинлеўге қаратылған норматив-ҳуқықый базаны беккемлеў шаралары белгиленип атыр. Атап айтқанда, 2018-жыл сентябрьге шекем, Өзбекстан Республикасының «Латын жазыўына тийкарланған өзбек әлипбесин енгизиў ҳаққында» нызамына өзгерислер киритиў ҳаққында»ғы 1995-жыл 6-майдағы нызамды ҳәм  Өзбекстан Республикасы Министрлер Кабинетиниң «Өзбек тилиниң тийкарғы имлә қағыйдаларын тастыйықлаў ҳаққында»ғы 1995-жыл 24-августтағы қарарын жетилистириў нәзерде тутылмақта.

Сондай-ақ, 2019-жыл январьға шекем бул нызам статьяларының сөзсиз орынланыўын тәмийинлеўге қаратылған ҳуқықый механизмлерин ислеп шығыў күтилмекте.

Режеде айтылыўынша, өзбек тилиндеги реклама текстлери ҳәм сюжетлери латын жазыўына тийкарланған өзбек әлипбесинде жазылыўы тәмийинленеди. Бул ўазыйпа толық орынланыўы ушын 2019-жылдың июли соңғы мүддет сыпатында көрсетилген.

Буннан тысқары, республикада барлық мәкемелер ҳәм кеңселер ушын латын әлипбеси бойынша тәжирийбе арттырыў курслары шөлкемлестириледи. Кирилл жазыўындағы өзбек ҳәм жәҳан әдебиятының классикалық үлгилери ҳәм илимий әдебиятлары латын жазыўында басып шығарылыўы хошаметленеди.

Баспа ҳәм электрон ғалаба хабар қуралларының латын жазыўына тийкарланған өзбек әлипбесинде жумыс ислеўи толық тәмийинленеди. Бул ўазыйпа 2020-жылдың соңына шекем толық әмелге асыўы режеде баянланған.

Ҳәрекетлер режесиндеги илажлардан мәлим болыўынша, 2021-жылдан баслап латын жазыўына тийкарланған өзбек әлипбесине толық өтиў тәмийинленеди.

 

Аўдарма: makan.uz

 

скачать dle 10.6фильмы бесплатно



  • 19-05-2018, 22:49 |
  • 241