«Ласетти» мүбәрек, Жолдасбай! Жерлесимиз «Қуран жарысы — 2018» жеңимпазы

 

«Ласетти» мүбәрек, Жолдасбай! Жерлесимиз «Қуран жарысы — 2018» жеңимпазы

 

Өзбекстан Республикасы Президенти Ш.Мирзиёевтиң 2017-жыл 1-сентябрьдеги Ташкент қаласындағы «Ҳәзирети Имам» (Ҳастимам) комплексине сапары ўақтындағы тапсырмасы ҳәм Өзбекстан Мусылманлар бас­қармасының 2017-жыл 29-ноябрьдеги буйрығына муўапық, елимиздиң ең шебер қарыйлары арасында Қуран жарысын шөлкемлестириў белгиленген еди.

Усы жылдың 21-24-апрель сәнелеринде мәмлекетимиз пайтахты Ташкент қаласында жарыстың Өзбекстан көлеминдеги жуўмақлаўшы басқышы болып өтти. Елимиздиң ең жақсы қарыйлары ҳәм диний оқыў орынларының талабалары қатнасқан ҳәм еки жөнелисте өткерилген бул басқышта Ҳифз жөнелиси бойынша жерлесимиз, Ташкент ислам институтының 3-курс талабасы Жолдасбай Нуритдинов биринши орынға ылайық деп табылған болса, тахтакөпирли Нурмухаммед Әметниязов Тилаўат жөнелиси бойынша сыйлы 3-орынды жеңип алды.

Қуўанышлы тәрепи, Жолдасбай Нуритдинов Қуран жарысының абсолют жеңимпазы деп те табылды ҳәм Президент саўғасы — «Ласетти» автомобили менен сыйлықланды.

«Ласетти» мүбәрек, Жолдасбай! Жерлесимиз «Қуран жарысы — 2018» жеңимпазы

 

Сондай-ақ, Тилаўат жөнелиси жеңимпазларына еки адамлық, Ҳифз жөнелиси жеңимпазларына үш адамлық Умра сапары сертификатлары ҳәм қәўендерлердиң саўғалары берилди.

— Жолдасбай Нуритдиновтың бул табысы бизлерди айрықша қуўандырды, - дейди Муҳаммад ал-Беруний Нөкис орта арнаўлы ислам билим журтының директоры Шамсутдин Баўатдинов. ­ Ол бизиң билим журтымызда оқыған пайытында да өзиниң айрықша қәбилети, Қуран бойынша терең саўаты менен көзге түсип еди. 2011-жылы «Қарыйлар беллесиўи»нде 2-орынды, 2012-жылы болса 1-орынды жеңип алған ол 2013-жылы Кувейт мәмлекетинде болып өткен дүнья жүзи қарыйлары беллесиўинде күшли онлыққа кирди. Жерлеслеримиздиң бул табысларын ҳәм улыўма усы Қуран жарысының өткерилиўин Президентимиздиң дин тараўына болған айрықша итибарының нәтийжеси деп билемиз...

 

С.ЖАНИЕВ.

СҮЎРЕТТЕ: «Қуран жарысы — 2018» жеңимпазы Ж.Нуритдинов.

 

Дерек: «Еркин Қарақалпақстан» газетасы

 

скачать dle 10.6фильмы бесплатно



  • 27-04-2018, 14:14 |
  • 715