Илим-пән жетискенликлери – раўажланыўдың ең әҳмийетли факторы

Илим-пән жетискенликлери – раўажланыўдың ең әҳмийетли факторы

2016-жыл 30-декабрь күни Өзбекистан Республикасы Президенти Шавкат Мирзиёев Жаңа жыл қарсаңында мәмлекетимиздиң алдағы илим-пән алымлары менен ушрасты. Бул ҳаққында ЎзА хабар берди.
Ушрасыўда ҳүкимет ағзалары, министрлик ҳәм мекемелер, мәмлекетлик шөлкемлер, коммерциялық банклер баслықлары, Илимлер академиясы ағзалары, жетекши жоқары оқыў орынлары ректорлары қатнасты.
Президентимиз жыйналғанларды кирип киятырған Жаңа жыл байрамы менен шын кеўилден қутлықлады. Биринши Президентимиз Ислам Каримов басшылығында илим-пән ҳәм ислеп шығарыў бирге ислесиўин беккемлеў, билимлендириў системасын раўажландырыў, инновациялық экономика раўажланыўына айрықша итибар қаратылғанын атап өтти. Ҳәзирги заман барлық тараўлар қатарында илим-пәнди де жаңа басқышқа көтериўди талап етпекте. Себеби, жәмийет алдында турған әҳмийетли мәселелерди илим-пәнсиз шешиў қыйын. Усы тараўды ҳәм алымларды ҳәр тәреплеме қоллап-қуўатлаў мәмлекетимиздиң баслы ўазыйпаларынан бири.
Бул бағдардағы ислер бүгин избе-из ҳәм системалы түрде даўам еттирилмекте. Президентимиз Шавкат Мирзиёевтиң жақында қабыллаған Өзбекистан Республикасы Илимлер академиясы академиклери жумысларын жетилистириў ҳәм хошаметлеў ҳаққындағы пәрманында мәмлекетимиз социаллық-экономикалық, жоқары маманлықтағы илимий қәнийгелер таярлаў сапасын жоқарылатыўды хошаметлеў мақсетинде бир қатар әҳмийетли илажлар белгиленген.
Илим-пән менен шуғылланыў, жаңа ашылыўлар ҳәм ойлап табылыўлар ислеў – ийне менен қудық қазғандай гәп, деди Президентимиз. Солай екен, бул қыйын тараўда пидәкерлик пенен мийнет ислеп атырған алымларымыз мийнети алғысқа ҳәм хошаметке ылайық.
Илим, билимлендириў ҳәм ислеп шығарыў интеграциясын еле де жетилистириў әҳмийетли екенлиги айрықша атап өтилди. Жаңа технологияларды енгизиўши кәрханаларға жеңилликлер ҳәм преференциялар бериў илим-пәнге инвестиция киритетуғын кәрханалар саны сезилерли дәрежеде артыўында әҳмийетли.
Ҳәзирги илимий потенциал ҳәм қаржыларды экономика тармақларының буйыртпалары ҳәм анық машқалаларды шешиўге қаратылған ең әҳмийетли изленислерге бағдарлаў керек.
Жәҳәнниң алдағы институтлары, университетлери, илимий орайлары ҳәм Илимлер академиялары менен илимий бирге ислесиўди еле де раўажландырыўды заманның өзи талап етпекте, деди Президентимиз. Шет елдиң оқыў ҳәм илимий мекемелеринде билимлендириў ҳәм илимий дәреже алған жерлеслеримиз ушын мәмлекетимизде қолайлы шәраятлар жаратып бериў, оларды хошаметлеў шараларын көриў керек.
Мәмлекетимизде жоқары потенциалға ийе, жәҳән көлеминде тән алынған алымлар көп. Олар өз мектеплерин жаратыўы, шәгиртлер тарбиялаўы керек. Жас әўләдты келешеги бар кадрлар етип таярлаўдағы биринши басқыш – мектеп билимлендириўин түптен жетилистириў, илимий кадрлар ҳәм жоқары тәжирийбедеги қәңийгелер таярлаўдың үзилиссизлигин тәмийинлеў зәрүр. Бул жолда ҳеш нәрсени аямаймыз, деди Президент.
Шавкат Мирзиёевтың сайлаў алды ушрасыўларында алға қойылған усыныслары, атап айтканда, заманагөй технологиялар, Академиклер қалашасында еркин экономикалық аймақ атағына ийе болған инновациялық орай шөлкемлестириў бойынша басламасы илимий-изертлеў институтлары, билимлендириў мекемелери ҳәм санаат кәрханаларының бәсекилеслигин арттырыў, тараўға жергиликли ҳәм шет ел инвесторларын кең тартыў мүмкиншилигин бериўи илим-пән халқы тәрепинен айрықша атап өтилди.
Ушрасыўда Өзбекистан Республикасы Пәнлер академиясы президенти Ш.Солиҳов, Илимлер академиясы академиклери А.Қаюмов, М.Салоҳиддинов, Р.Убайдуллаева, С.Рашидова, А.Глушенкова, Т.Даминов, Ж.Бозорбоев, Б.Йўлдошев, Б.Назаров ҳәм басқалар Президентимиздиң жақында қабыллаған пәрманы тараўдың раўажланыўында әҳмийетли роль атқарыўын атап өтип, әҳмийетли мәселелер, мәмлекетимизде илим-пәнди, сондай-ақ, инновациялық жумысларды еле де раўажландырыў бойынша өзиниң пикир-усынысларын билдирди. Президентимизге мәмлекетимизде илимди ҳәм инновациялық тараўды қоллап-қуўатлап атырғаны, илим тараўының адамларын хошаметлеўге қаратып атырған айрықша итибары ушын шын кеўилден миннетдаршылықларын айтты.
Президент Шавкат Мирзиёев экономикамыздың барлық тараўының раўажланыўында илимниң орны, әҳмийети жүдә үлкен екени, бул бағдарда мәмлекетимиз биринши нәўбетте Илимлер академиясы ҳәм алымларына сүйенетуғыны, илим ҳәм ислеп шығарыў бирге ислесиўи бүгин жүдә актуаль екенин айрықша атады.


Фото: ЎзА
скачать dle 10.6фильмы бесплатно



  • 31-12-2016, 12:25 |
  • 352