2017-жылдан баслап жоқары оқыў орынларына ҳүжжетлер 15-июннан 15-июльға шекем қабылланады

2017-жылдан баслап жоқары оқыў орынларына ҳүжжетлер 15-июннан 15-июльға шекем қабылланады

Ташкенттеги Миллий баспасөз орайында Өзбекистан Республикасы Министрлер Кабинети жанындағы Мәмлекетлик тест орайының баспасөз конференциясы болып өтти, деп мәлим етти ЎзА.
2017-2018-оқыў жылынан баслап жоқары оқыў орынларына ҳүжжетлер қабыллаў мүддети 15-июннан 15-июльға шекем болады. Жоқары әскерий билим орынларындағы тест сынақлары болса 5-июль күни өткериледи.
Бул өзгерис абитуриентлерге еле де көбирек қолайлықлар жаратыў, билим бериў орынларын тест процесслерине таярлаў, белгиленген имаратлар ҳәм аудиторияларды керекли үскенелер, оқыў қураллары менен тәмийинлеп, мүддетинен алдын таяр ҳалатқа келтириў мүмкиншилигин береди, делинген мағлыўматта.
Биринши Президентимиз Ислам Каримовтың 2016-жыл 26-майдағы «2016-2017-оқыў жылында Өзбекистан Республикасының жоқары оқыў орынларына оқыўға қабыллаў ҳаққында»ғы қарарына муўапық жоқары оқыў орынларының бакалавр тәлим бағдарына 57 мың 907 студент, атап айтқанда, 19 мың 120 студент мәмлекет гранты, 38 мың 787 студент төлемли-контракт тийкарында оқыўға қабылланды. 174 орта арнаўлы, кәсип-өнер оқыў орынларына сайлаў тест сынақлары шөлкемлестирилип, онда 138 мың 214 оқыўшы қатнасты.
2016-2017-оқыў жылында Ташкент мәмлекетлик техника, Ташкент мәмлекетлик аграр, Алишер Наўайы атындағы Ташкент мәмлекетлик өзбек тили ҳәм әдебияты университетлери, Ташкент архитектура-қурылыс, Ташкент химия-технология, Өзбекистан мәмлекетлик көркем-өнер ҳәм мәденият, Андижан аўыл хожалығы, Қаршы инженерлик-экономикалық институтлары, Ташкент медицина академиясында жаңа тәлим бағдарлары ашылды.
Биринши Президентимиздиң 2012-жыл 10-декабрьдеги «Шет тиллерди үйрениў системасын еле де жетилистириў илажлары ҳаққында»ғы қарарына муўапық Қарақалпақстан Республикасы ҳәм ўәлаятларындағы улыўма билим бериў мектеплерине англичан тили оқытыўшыларын жеткерип бериў мақсетинде тест сынақларында жоқары балл топлаған 117 абитуриент қосымша түрде оқыўға қабыллаўға усыныс етилди.скачать dle 10.6фильмы бесплатно



  • 30-12-2016, 17:35 |
  • 672