Колледжлерде оқыў төлемли болады

Президент қарарына тийкар Өзбекистанда колледжлер пуллы оқыў системасына өтеди, деп хабар берди Sputnik басылымы.

2018-2019-оқыў жылынан баслап, алдынғы 11 жыллық мәжбүрий билимлендириў системасына өтиў мүнәсибети менен колледжлер искерлигин қайта шөлкемлестириўге қарар етилди. Буннан кейин Өзбекистандағы барлық колледж түриндеги оқыў орынларында оқыў төлемли-конртакт тийкарында әмелге асырылады.

Бийпул оқыў бөлек тайпадағы пукаралар, атап айтқанда кем тәмийинленген шаңарақлар ушын сақланып қалынады.

Қарарда айтылыўынша, мәмлекет бийпул оқыў ушын грантлар ажыратады. Грант тийкарында оқыўды питкерген оқыўшылар өз кәсиби бойынша ўәлаятларда кеминде 3 жыл мийнет ислеўлери шәрт.

Ҳүжжетте айтылыўынша, колледжлердиң мәмлекет тәрепинен қаржыландырылыўы режели тәртипте қысқарып барады. Үш жылдан соң болса, 2017-жылы оқыўға кирген оқыўшылар питкергеннен кейин, колледжлердиң мәмлекет тәрепинен қаржыландырылыўы тоқтатылады.

Буннан соң колледжлер - оқыўшыларының контракт пулы, олар бириктирилген мекемелер, санаат кәрханалары ҳәм банклер қәўендерлиги тийкарында хожалық жүргизеди.

 

Аўдарма: makan.uz

скачать dle 10.6фильмы бесплатно



  • 5-02-2018, 15:08 |
  • 665